काठमाडौं — अमेरिकाको न्युयोर्कमा आफ्नी प्रेमिकालाई बिहेको प्रस्ताव गर्नका लागि प्रेमीले औंठी लगाइदिन खोज्दा नालीमा खसाएका छन् । 

यो घटनाको भिडियो भाइरल भएको छ । 

घटना टाइम्स स्क्वेयरमा भएको हो जहाँ दिनदिनै तीन लाख ५० हजार मानिस आउँछन् । यसलाई संसारको चौबाटो समेत भनिन्छ । 

प्रेमी प्रपोज गर्नका लागि टाइम्स स्क्वाएरमा उभिएको थियो । प्रेमिका नजिक आएपछि प्रेमीले घुँडा टेकेर औंठी दिन खोज्दा त्यो नालीमा खस्यो । प्रेमिकाले हुन्छ त भनिन् तर औंठी नालीमा खसेपछि तनाव बढ्यो । 

प्रहरीले औंठी खोज्न सफलता चाहिँ पाएको छ । भिडियोमा प्रहरी अधिकारीले घोप्टो परेर नालीबाट औंठी निकालिरहेको देखिन्छ । 

औंठी खसेको ठाउँ अमेरिकाकै सर्वाधिक लोकप्रिय स्थानमध्ये एक हो । नालीमा औंठी खस्दा धेरै भीड थियो ।

WANTED for dropping his fiancée’s ring in @TimesSquareNYC!
She said Yes - but he was so excited that he dropped the ring in a grate. Our @NYPDSpecialops officers rescued it & would like to return it to the happy couple. Help us find them? 💍 call 800-577-TIPS @NYPDTIPS @NYPDMTN pic.twitter.com/tPWg8OE0MQ

— NYPD NEWS (@NYPDnews) December 1, 2018