नर्वे–नर्वेली प्रहरी चौकीमा एउटा ‘लेटर वम’ भेटिएपछि प्रहरीको विस्फोटक पदार्थ व्यवस्थापन टोलीले यसलाई निष्क्रिय पारेको अधिकारीहरूले  बताएका छन् । 

विश्वकै शान्त मुलुकहरू मध्येको एक स्काडिनेभियाली मुलुकमा हिंसाका घटना विरलै सुनिने भएपनि उक्त शक्तिशाली विस्फोटक पदार्थ राजधानी ओस्लोदेखि दक्षिणपूर्वमा रहेको स्की प्रहरी चौकीलाई लक्षित गरी गोप्य रूपमा पठाइएको जनाइएको छ । 

चौकीमा कार्यरत एक कर्मचारीले उक्त कागजको प्याकभित्र विस्फोटक पदार्थ रहेको शङ्का लागेको बताएपछि चौकी खाली गरी यसलाई सुरक्षित रूपमा विस्फोट गराइएको थियो । सुरक्षाकर्मीको विस्फोटक पदार्थ निष्क्रिय टोलीले कागजको खाममा राखिएको उक्त घरेलु वम प्याक खोल्दा विष्फोट हुनेगरी राखिएको जनाएको छ ।