काठमाडौं–  नेपाल वायु सेवा निगमको वाइड बडी विमान खरिदमा भएको भनिएको अनियमितता छानबिनको माग गर्दै नयाँ शक्ति नेपालले शुक्रवार राजधानीमा प्रदर्शन गरेको छ ।

निगमको केन्द्रीय कार्यालय सुन्धाराअगाडि नयाँ शक्तिले प्रर्दशन गरेको हो ।

नेपाल वायु सेवा निगमलाई धरासायी बनाउन लागिएको विरोधमा प्रदर्शन गरिएको नयाँ शक्तिका प्रचार विभाग प्रमुख विश्वदीप पाण्डेले जानकारारी दिए ।

प्रदर्शनकारीले ʻलाउडा, धमिजा वाइड बडी, कति गर्छौ गडबडी ?ʼ लगायतका नारा लेखिएका ब्यानर र प्लेकार्ड सहित प्रदर्शन गरेका थिए ।

विमान खरिदमा व्यापक अनियमितता भएको भन्दै संसद्को लेखा समितिले छानबिन गरिरहेको छ ।