माघ ८, २०८०
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
मंसिर २३, २०७५
काठमाडौं– नेपाल बैंकर्स एसोसियनले मुद्दती निक्षेपमा दिइने व्याजको सीमा हटाएपछि बैंकहरूबीच व्याजदर बढाउने प्रतिस्पर्धा नै चलेको छ ।
एसोसियनले गत मंगलवार गरेको व्याजदरको सीमा हटाउने निर्णयले केही वाणिज्य बैंकहरूले मुद्दती निक्षेपमा १३ प्रतिशतसम्म व्याज दिने घोषणा गरेका छन् । सिभिल बैंकले शनिवार सूचना जारी गर्दै मुद्दती निक्षेपमा १३ प्रतिशत व्याज दिने घोषणा गरेको छ । त्यस्तै सेन्चुरी कमर्सियल बैंक र कुमारी बैंकले समेत मुद्दती निक्षेपमा १२ देखि १३ प्रतिशत व्याज दिने घोषणा गरेका छन् ।
बैंकहरूले यसअघि दिने यस्तो व्याजको सीमा साढे १० प्रतिशत रहेको थियो । अर्थात् बैंकहरूले यसअघि मुद्दती निक्षेपमा साढे १० प्रतिशत भन्दा बढी व्याज दिन पाउँदैनथे । सरकारले स्थानीय तहमा जाने अनुदान रकमको ५० प्रतिशत रकम वाणिज्य बैंकहरूमा राख्ने निर्णय गरेसँगै बैंकर्स एसोसियनले यस्तो निर्णय गरेको यसअघि नै जानकारी गराएको थियो ।
बैंकहरूबीच निक्षेपमा व्याज बढाउने प्रतिस्पर्धा चलिरहँदा अर्थविदहरू भने यसलाई कर्जामा पनि व्याज बढाउने रणनीतिका रूपमा हेछन् । अर्थविद् एवं नेपाल राष्ट्र बैंकका पूर्वगभर्नर दीपेन्द्रबहादुर क्षेत्रीले राम्ररी निगरानी गर्न नसके वाणिज्य बैंकहरूले कर्जामा समेत व्याज बढाउन सक्ने बताए ।
‘सरकारले समेत स्थानीय तहमा जाने अनुदान रकमलाई वाणिज्य बैंकहरूमा राख्ने निर्णय गरेको आवस्थामा बैंकहरूले निक्षेपमा व्याज बढाउनुले कर्जामा समेत व्याज बढाउने संकेत मिलेको छ,’ पूर्वगभर्नर क्षेत्रीले भने ।
‘वाणिज्य बैंकहरूमा राख्ने सरकारी रकम निःशुल्क हो । त्यसमाथि मौद्रिक नीतिले नै बैंकहरूसँग बचत रहने व्यवस्था गरेको छ,’ उनले लोकान्तरसँग भने, ‘सरकारले बैंकहरूमा निःशुल्क रकम राखेपछि बैंकहरूको बेसरेट घट्नु पर्ने हो, तर बेसरेट घटेन । यो हेर्दा कर्जामा व्याजदर बढाउने रणनीति हो जस्तो लाग्छ ।’
राष्ट्र बैंकले निक्षेप र कर्जाको व्याजदर बीचको अन्तर ४ दशमल ५ हुने गरी स्प्रेडदर तोकेको छ । निक्षेपमा १३ प्रतिशत व्याज दिँदा बैंकहरूले यसैलाई देखाएर कर्जामा १७.५ प्रतिशतसम्म व्याज पु¥याउन सक्छन् ।
नियामक निकाय नेपाल राष्ट्र बैंकले राम्ररी निगरानी गर्न नसकेमा बैंकहरूले कर्जामा दिने व्याज समेत बढाउने र त्यसका लागि राम्ररी निगरानी गर्नुपर्ने समेत क्षेत्रीले बताए ।
यसबाहेक बैंकहरूले व्याजदर बढाउनका केही फाइदा समेत रहेका क्षेत्रीले बताए । क्षेत्रीले बैंकहरूले निक्षेपमा व्याजदर बढाउँदा मानिसहरूमा बचत गर्ने बानीको विकास हुने र फजुल खर्च रोक्ने बताए ।
‘व्याजदर बढाउनाले बचत गर्ने बानीको विकास हुन्छ, फजुल खर्च रोकिन्छ,’ उनले भने, ‘एक हिसाबले मुलुकको आर्थिक विकासमा समेत यसले सघाउँछ ।’
बैंकहरूले व्याजदर बढाए भने सामान्य मानिस पनि बचततर्फ आकर्षित हुने र यसले आन्तरिक स्रोत, साधानलाई बलियो बनाउने लगायतका पक्ष राम्रा रहेका उनले बताए ।
पछिल्लो समय केही बैंकहरूले तरलताको अभाव रहेको बताएपछि सरकारले स्थानीय तहमा अनुदानका रूपमा पठाउने रकमको ५० प्रतिशत रकम वाणिज्य बैंकमार्फत् र ५० प्रतिशत राष्ट्र बैंकमार्फत् पठाउने निर्णय गरेको थियो ।
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...