काठमाडौं-  शहीद स्मारक ‘ए’ डिभिजन लिग फुटबलमा सोमबार दुई खेल हुँदैछन् । पहिलो खेलमा त्रिभुवन आर्मी क्लबले ब्रिगेड ब्वाइजसँग प्रतिष्पर्धा गर्दा दोस्रो खेलमा मनाङले मछिन्द्रको सामना गर्ने छ ।

जारी खेलमा आर्मीले सातौं चरणसम्म पुग्दा ४ जित र २ बराबरीको नतिजा हासिल गरेको छ । ब्रिगेड ब्वाइजले ६ खेलको समापन हुँदा १ जित र १ बराबर खेल्दै ४ अंक जोड्दै ११ औं स्थानमा रहेको छ ।

मनाङले जितविहिन र गोलविहिन रहेको मछिन्द्रको सामना गर्दै छ । जारी लिगमा मछिन्द्र गोल गर्न नसक्ने एकमात्र टिम हो ।

६ खेलमा ३ बराबर र ३ हारसहित टोलीले ३ अंक बनाएको छ । मनाङले पछिल्लो खेलमा जावलाखेललाई हराउन निकै कसरत गर्नुर्पयो । मछिन्द्रले पुलिस र च्यासलबाट अंक खोस्दै लिगमा राम्रो सुरुवात गरेको थियो ।