कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
काठमाडौँ - जारी शहीद स्मारक ‘ए’ डिभिजन लिग फुटबलमा आज हुने एउटा खेलले करीब उपाधिको टुङ्गो लाग्दैछ । साताँै चरणसम्म लिगमा अपराजित टोली मनाङ मस्र्याङ्दी क्लब र त्रिभुवन आर्मी क्लबबीच हुने खेलले उपाधिको टुङ्गो वा उपाधि होड खुल्ला गर्नेछ ।
आर्मी र मनाङको नतिजाले लिगको समीकरणमा निकै ठूलो भूमिका खेल्छ । मनाङ विजयी भएको खण्डमा आर्मीको उपाधि दाबेदारी लगभग समाप्त हुनेछ । मनाङले जित दर्ता गरेमा उपाधि दाबेदारीमा बलियो स्थान बनाउनेछ ।
मनाङविरुद्व आर्मीको जित निकाल्न सके उपाधि होड खुला हुनेछ । त्यसमा आर्मीसँगै थ्री स्टार र सङ्कटाले समेत चुनौती पेश गर्ने अवसर प्राप्त गर्नेछन् । तर मनाङले जितेको खण्डमा उसले लिगमा स्पष्ट छ अङ्कको अग्रता लिनेछ र अन्य क्लबको उपाधि सम्भावना पातलो बन्ने छ ।
खेलविज्ञ सञ्जीव मिश्र भन्नुहन्छ, “आजको खेलमा मनाङले आफ्नो अपराजित यात्रालाई कायमै राख्यो भने उपाधि मनाङले नै जित्नेछ । तर आर्मीले जिते उपाधि होडमा आर्मीसँगै थ्री स्टार र सङ्कटाले पनि दाबेदारी प्रस्तुत गर्न सक्नेछन् ।”
सात खेलबाट २१ अङ्कका साथ शीर्ष स्थानमा रहेको मनाङले आजको खेल जिते २४ अङ्क हुनेछ । दोस्रो स्थानमा रहेको सङ्कटाको पनि २१ अङ्क रहे पनि उसले एक खेल बढी खेलेको छ । त्यस्तै थ्रीस्टारको पनि सात खेलबाट १८ र आर्मीको सात खेलबाठ १७ अङ्क रहेको छ ।
आजको खेलमा जित निकालेको खण्डमा मनाङले अङ्कतालिकामा स्पष्ट छ अङ्कको अग्रता बनाउनेछ । लगातार सात खेलमा जित निकाल्दै उसले लिगमा एकल अग्रता बनाइसकेको छ । उसलाई सङ्कटा, थ्री स्टार त्रिभुवन आर्मीले पच्छ्याइरहेका छन् । सङ्कटा दोस्रो, थ्री स्टार तेस्रो र आर्मी चौंथो स्थानमा रहेका छन् ।
आर्मी पनि अपराजित टोली हो । आर्मीले पाँच खेलमा जित निकाल्दा दुईमा बराबरीको नजिता निकालेको छ । मनाङ मस्र्याङ्दी क्लबले अहिलेसम्म सात पटक ‘ए’ डिभिजन लिगको उपाधि उचालिसकेको छ । आर्मीले भने उपाधि जित्न सकेको छैन ।
प्रतियोगिताको नतिजा हेर्दा मनाङले १३ गोल गर्दा मात्र तीन गोल खाएको छ । यस्तै आर्मीले १२ गोल गरेको छ, भने चार गोल गोल मात्र खाएको छ । लिगअघि दुबै क्लबलाई उपाधिको मुख्य दाबेदारको रुपमा हेरिएको थियो ।
मनाङले सोहीअनुसार नै लगातार सात खेल जित्दै शतप्रतिशत नतिजा निकालेको छ । उता विभागीय टोली आर्मीले भने लिगको उद्घाटन खेलमै कमजोर टोली एनआरटीसँग अङ्क बाँडेपछि शुरुमै दुई अङ्क गुमायो । छैटौँ चरणको खेलमा पनि फ्रेण्ड्ससँग बराबरीमा रोकिएपछि आर्मी मनाङभन्दा चार अङ्कले पछि परिसकेको छ ।
घरेलु फुटबलमा लिग जित्न नसकेको तथ्यले आर्मीलाई पिरोलिरहेको छ । शारीरिक र प्राविधिक रुपमा बलियो टोली आर्मी यस पटक फुटबलमा उपाधि जितेर नयाँ विरासत खडा गर्न चाहन्छ ।
आर्मीले पछिल्लो समय अग्रपङ्क्तिमा केही कमजोरी गर्दा अपेक्षित नतिजा हासिल गर्न सकेको छैन । डिफेन्स र मिडफिल्ड उच्च लयमा देखिएको आर्मीको आक्रमण भने फितलो देखिएको छ । फरवार्ड नवयुग श्रेष्ठ घाइते हुनु र जर्जप्रिन्स कार्की सैन्य प्रशिक्षणमा सामेल हुनुले आर्मीलाई धक्का पुगेको छ । कप्तान भरत खवासमा निर्भर आक्रमणमा टङ्क बस्नेत, दिनेश हेञ्जन र टेकबहादुर बुढाथोकीले अपेक्षित साथ दिन सकेका छैनन् ।
मनाङलाई यसपटक सिजनको शुरुआतदेखि नै खेलाडीको चोटले पिरोलेको छ । सुजल श्रेष्ठ लिगको दोस्रो खेल अगाडि घाइते हुनु र उनको स्थानमा आएका प्रकाश बुढाथोकी पनि डेब्युमै चोट बोक्नुले आक्रमणमा केही धक्का पुग्न सक्ने प्रशिक्षक सुमन श्रेष्ठका बुझाइ छ ।
नेपाली क्लब फुटबलकै सबैभन्दा चर्चित खेल मानिने मनाङ र थ्री स्टारबीचको खेल तेस्रो चरणमै भइसकेको हुँदा मनाङ र आर्मीबीचको खेललाई अब प्रतिक्षित खेलको रुपमा हेरिएको छ । यही खेलबाट मनाङ आर्मीको लिगमा पोजिसन कहाँ रहने भन्ने केही निर्धारण हुने बताउनुहुन्छ पूर्व राष्ट्रिय खेलाडी हरि खड्का ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...