पोखरा– गत सोमबार फेवातालमा सेल्फी खिच्ने क्रममा डुबेर बेपत्ता भएका काठमाडौंका रोजन श्रेष्ठको शव शनिबार बिहान भेटिएको छ । बिहान तालमा तैरिरहेको अवस्थामा उनको शव भेटिएको हो ।

उनको शव बिहान साढे ७ बजे फेला परेको हो । उनको शव रत्नमन्दिर नजिकै भेटिएको कास्की प्रहरी प्रमुख ओम रानाले बताए । काठमाडौंको ताहाचलबाट दिदीसहित पोखरा घुम्न आएका श्रेष्ठ प्याडल बोर्डबाट सेल्फि खिच्न खोज्दा तालमा डुबेका थिए । 

१९ बर्षीय उनी लाईफ ज्याकेट बिना सेल्फी खिच्न खोज्दा तालमा डुबेर बेपत्ता थिए । काठमाडौंबाट दिदी रोशनी श्रेष्ठसँग पोखरा घुम्न आएका श्रेष्ठका दिदीभाइ फरक फरक डुंगामा सवार थिए । उनको शव पोष्टमार्टमका लागी पोखरा स्वास्थ्य बिज्ञान प्रतिष्ठानमा राखिएको छ ।