काठमाडौं– नेपाल कम्युनिष्ट पार्टी(नेकपा) को स्थायी कमिटी बैठकमा स्थायी कमिटी सदस्य हरिबोल गजुरेलले छुट्टै दस्ताबेज पेश गरेका छन् । 

पार्टी कार्यालय धुम्बराहीमा सोमबार मध्याह्नदेखि जारी बैठकमा नेता गजुरेलले आफ्नो तर्फबाट फरक मतसहितको दस्तावेज पेश गरेका हुन् । 

नेता हरिबोल गजुरेलले पेश गरेको प्रस्तावमा पार्टी र सरकार सञ्चालनबारे उल्लखे गरिएको छ । उनले पार्टी भन्दा पनि सरकार सञ्चालनमा देखिएको कमिकमजोरीलाई प्राथमिकता दिएको स्रोतले लोकान्तरलाई जानकारी दियो । 

यसअघि शनिवारको बैठकमा पार्टी अध्यक्षद्वय केपी शर्मा ओली र पुष्पकमल दाहाल प्रचण्डले संयुक्त दस्तावेज पेश गरेका थिए । त्यस्तै नेता वामदेव गौतमले पनि छुट्टै दस्तावेज पेश गरेका थिए । 

अध्यक्षहरुले पेश गरेको दस्तावेज र  नेता गौतमले पेश गरेको दस्तावेज अध्ययनका लागि स्थायी समिति सदस्यहरुलाई सोमबारसम्मको समय प्रदान गरिएको थियो । दुबै दस्तावेजको अध्ययन पछि स्थायी समिति सदस्यहरुले आफ्नो धारण बैठकमा राखिरहेका छन् ।