विराटनगर–  प्रदेश र संघको निर्वाचनको रस्साकस्सी चलिरहेको थियो । सुनसरी क्षेत्र नम्बर ३ मा वाम गठवन्धनबाट प्रतिनिधसभा उम्मेद्वार बनेकी थिइन् तत्कालीन एमालेकी नेतृ भगवती चौधरी । २०७० काे स‌ंविधानसभा निर्वाचनमा पनि सोही निर्वाचन क्षेत्रमा प्रभावशाली नेता विजय गच्छदारसँग पराजय भोगेकी भगवतीको लागि निर्वाचन क्षेत्रमा चुनाव जित्नु निक्कै कष्टकर थियो । उनलाई कसरी हुन्छ निर्वाचन जित्नै पर्ने थियो ।   निर्वाचनको समयमा सहयाेग व्यक्तीकाे आवश्यकता पनि बढी नै हुन्छ । भगवतीलार्इ प्रचार प्रसारमा लाग्ने मानिसहरुको आवश्यकता थियो । त्यही बेला भगवतीको आखाँमा परे सुगम ठकुरी । उनी भगवती चौधरीका छोरा द्रव्यका नजिकका साथी थिए । यस अघि कुनै सार्वजनिक कार्यक्रममा देखा नपरेका सुगम ठकुरी सार्वजनिक कार्यक्रममा देखिन थाले ।

शुरुका दिनमा सामाजिक सञ्जालमा चुनावी प्रचार सामाग्री बनाउन र पोष्ट गर्न जिम्वेवारी पाएका सुगमले पछि भने भगवतीसँगै हिड्ने माैका पाए । यसरी चुनावमा सँगै हिडाएका तिनै सुगम अहिले अाएर भगवतीका लािगि  टाउको दुखाइको बिषय बनेका छन् । केही दिन अघि सेनाको लप्टन भन्दै ठगी गरेको आरोपमा सुगम ठकुरी पक्राउ परेपछि नेकपाकी केन्द्रीय सदस्य चौधरी समेत यो प्रकरणमा मुछिएकी छन् । 

भगवतीले भाषण गरेको कार्यक्रममा तथा उनी सहभागी हरेक कार्यक्रममा सेनाको पोसाकमा सुगम समेत हिँडेको फोटो सामाजिक सञ्जालमा सार्वजनिक भएपछि अहिले चौधरीमाथि स्थानीय स्तरमा दवाव बढ्दो छ । कतिपयले त भगवती चौधरीलाई समेत कारवाही हुनु पर्ने माग गरेका छन् । नक्कली सेनाको मान्छे भनेर जान्दा जान्दै भगवतीले किन सुगमलाई गार्ड बनाइन् ? भगवतीका शुभचिन्तकहरुले समेत यस्ता प्रश्न गर्न थालेका छन् । 

निर्वाचनको परिणाम पछि पनि सुगमले भगवती चौधरीलाई छाडेनन् । छोराको मिल्ने साथी भएपछि ठकुरी भगवतीका किचेन सदस्य भए । दुई चार दिन भगवतीकै घरमा बस्ने गर्थे । भगवतीको छोरा द्रव्य काठमाण्डौ जाँदा पनि सँर्गेै जान थालेपछि सुगमले भगवतीलाई अण्टीबाट ‘मम्मी’ भनेर बाेलाउन थालेको उनी निकट श्रोत बताउँछ । यही बेला सुगमले भगवतीलाई भने म सेनाको ‘सेकेण्ड लेफ्टिनेन्ट’मा भिड्छु । मम्मी भन्न थालेपछि भगवतीले सुगमलार्इ सेनाकाे  जागिरे बनाउन सबै शक्ति लगाइन् । श्रोतका अनुसार फर्म भर्न जाँदै सुगमले भगवतीको छोरा भनेर परिचय दिए । त्यसपछि सेनाका मेजर केशब कार्कीले भगवतीलाई सोधे, तपार्इंको छोरा भनेर एउटा केटो आएको छ ।

भगवतीले जवाफ दिइन – ‘मेरो छोराको साथी हो । मेरै घरमा बस्छ ।’ त्यसपछि सुगमको सेनाको भर्ती प्रक्रिया शुरु भयो । भगवतीलाई मम्मी भन्ने सेनाका अधिकारीलाई भगवतीले सोर्स लगाइदिदै जाने । भर्ना प्रक्रियाका बिभिन्न बिधामा सुगम फेल भए पनि भगवतीका कारण उनी भर्ना भए । सुगमलाई जागिर लगाउनका लागि भगवतीले सेनाका उच्च अधिकारसम्मलार्इ भनेकी थिइन । श्रोतका अनुसार अफूले मात्रै भनेर नहुने भएपछि प्रधानमन्त्री कार्यालयबाट समेत भर्ना गराउन दवाव गराइएकाे थियो । यति ठूलो दवावामा सुगम भर्ना भए पनि तालिम भने पुरा गरेनन् । उल्टो नक्कली परिचय पत्र बनाएर सर्वसाधारणलाई ठग्दै हिँडे । यति मात्रै नभएर प्रहरीलाई समेत उनले धम्क्याएको आरोप छ । 

भगवतीको आपत्ति

अाफूलार्इ मम्मी भनेर बडीगार्ड बनेका सुगमले ठगी गर्दै हिँडेकाे फेला परेपछि अहिले भगवतीकाे चाैतर्फी अालाेचना भइरहेकेा छ । चाैधरीले भने सुगम ठकूरी भन्ने व्यक्तीलाई प्रतिनिधिसभा निर्वाचनको प्रचारप्रसारमा प्रयोग नगरेको र उक्त समय निज ब्यक्ति आफ्नो छोराको सम्पर्कमा आएर त्यसले अनुचित लाभ उठाएको बताएकी छिन् ।

चौधरीद्वारा हस्ताक्षरित विज्ञप्तिमा ठकूरी सुनसरी दुहवीकै मान्छे भएको हिसाबले छोरासँग केहि समय यता सम्पर्कमा रहेको र सोहि क्रममा निर्वाचन आउनुभन्दा धेरै अगाडी कहिले काहीँ आउजाउ गर्दा एकाध दुई पटक उसँग देखादेख मात्र भएको उल्लेख गरिएकाे छ ।

चौधरीले पहिले नै अाफूले ‘तिम्रो पारिवारिक ब्याक ग्राउण्ड के हो ?, के गर्छौ’ भनेर सुगमलार्इ केरकार समेत गरेको बताएकी छन् । ठकूरीले आफुलाई नेपाल आर्मीमा भर्ति हुन तयारी गरिरहेको बताएको र आर्मीमा भर्ती हुने क्रममा आफ्नो नाम लिएको थाहा पाएपछि नै नेपाल आर्मीलाई आफ्नो छोरा नभएको स्पष्ट पारेको बताएकी छिन् ।

‘म भगवती चौधरीको छोरा हुँ’ भनेर आर्मीमा भनेपछि आर्मीका कर्नेल लक्ष्मीभक्त श्रेष्ठ र मेजर केशब कार्कीले मलाई फोन गरेपछि मैले तत्कालै कर्नेल श्रेष्ठलाई  मेरो एउटा मात्र छोरा छ, त्यो पनि देहरादुनमा अध्ययनरत छ । मेरो छोरा हैन भनिसकेकी थिए,’ चौधरीले विज्ञप्तीमार्फत भनेकी छन् ।

उनले ठकूरी आफ्नोे छोरासँग कहिले काँही चुनाबी कार्यक्रममा आएको हुनसक्ने स्वीकार गरिन् । तर बडिगार्ड नै बनाएर आफुले नराखेको स्पष्ट पार्दै भनिन्, ‘छोरासँग साथीको नाता लगाएर मलाई आन्टी भन्दै भेटेको थियो, एकअाधपटक भेट गरेपनि मैले वास्ता गरेकी थिइन, उसले त्यही भेटघाटको फोटो प्रयोग गर्दै सर्वसाधारण र प्रहरीलाई समेत ठग्ने काम गरेको रहेछ ।’