काठमाडौं — चीनका विभिन्न कारागारमा थुनिएका पतिहरूलाई न्याय दिलाउनका लागि पत्नीहरूले अनौठो तरिका अपनाएका छन् । 

एक वकिल र उनका तीन सहयोगी चीनका कारागारमा थुनिएका छन् । उनीको रिहाइको माग गर्दै उनीहरूका पत्नीले टाउको मुण्ड्याएर प्रदर्शन गरे । 

चारै महिलाले देशमा विधिको शासन नरहेको भन्दै विरोधस्वरूप कपाल फालेका हुन् । उनीहरूले हाङसेकुन अदालतमा प्रदर्शन गरे । 

महिलाहरूले प्रदर्शन गर्दै भने, ‘हामीहरू मुण्डेर बस्न सक्छौं तर देशमा कानून मास्न दिँदैनौं ।’

चीनमा विधिको शासन अन्त्य भएको स्थितिलाई वुफा भनिन्छ । 

विरोध गर्ने सबै महिलाका पतिलाई सन् २०१५ को जुलाई ९ मा प्रदर्शन गरेको आरोपमा पक्राउ गरिएको हो । जग्गा अधिग्रहणविरुद्ध वकिल र उनका तीन समर्थकले प्रदर्शन गरेका थिए । ती चारैजनामाथि राज्यविरुद्धको अपराधमा अभियोग सन् २०१६ मा लगाइएको थियो । 

वकिल वाङको रिहाइका लागि प्रदर्शन गरिरहेकी पत्नी ली वेन्जुई यो मुद्दामा नियमकानून पालना नगरिएको बताइन् । विगत तीन वर्षमा ३० भन्दा बढी अपील पत्र बुझाइएको भए पनि कुनैमा पनि जवाफ नआएको उनको भनाइ छ । 

जही यानीमकी पत्नी लीयू एरमिनले कारागारमा पतिलाई यातना दिइएको र सरकारी अधिकारीहरूले आफूहरूमाथि लगातार नजर राखिरहेको बताइन् । 

एजेन्सी