काठमाडौं — कम्बोडियामा अफ्रिकी मुलुक मोजाम्बिकबाट एउटा कन्टेनरमा भरेर ल्याइएको तीन टन हात्ती दाँत बरामद गरिएको छ । 

यति धेरै हात्ती दाँत कम्बोडियामा भेटिएको यो पहिलोपटक हो । एक भन्सार अधिकारीले आइतवार यसको जानकारी दिएका हुन् । 

उनका अनुसार, अमेरिकी दूतावासबाट जानकारी प्राप्त भएपछि नोम पेन्हमा १ हजार २६ वटा हात्ती दाँत बरामद गरिएको हो । 

भन्सार निर्देशक सन चहाएले भने, ‘हात्ती दाँत एउटा कन्टेनरमा मार्बलसँगै लुकाएर राखिएका थियो र कन्टेनर त्यत्तिकै अलपत्र छोडिएको थियो ।’

मोजाम्बिकबाट यो कन्टेनर अघिल्लो वर्ष नै कम्बोडिया पुगेको भए पनि यसलाई लिन अज्ञात मालिक पुगेनन् । 

एजेन्सी