काठमाडौं – राष्ट्रपति विद्यादेवी भण्डारीले पुस ११ गते बुधवारका लागि संसदको हिउँदे अधिवेशन आह्वान गर्नुभएको छ ।

पुस ११ गते दिउसो ४ बजेका लागि संघीय संसद्को हिउँदे अधिवेशन आह्वानसम्बन्धी पत्र प्राप्त भएको संसद् सचिवालयका प्रवक्ता डा. रोजनाथ पाण्डेले लोकान्तरलाई जानकारी दिए ।

मन्त्रिपरिषद्को सिफारिशमा राष्ट्रपतिले संसद् अधिवेशन आह्वान गर्ने संवैधानिक व्यवस्था छ । संसदको वर्षे अधिवेशन असोज ११ गते समापन भएको थियो ।

संसद्को पहिलो बैठक बसेको एक वर्षभित्र संविधानसँग बाझिएका कानून संशोधन गर्नुपर्ने संवैधानिक बाध्यता छ ।