काठमाडौं– सिटिजन्स बैंक इन्टरनेशनल लिमिटेडले विद्यालयलाई आर्थिक सहयोग गरेको छ । बैंकले पाल्पाको रिब्दिकोट गाउँपालिकामा अवस्थित प्रभात माध्यमिक विद्यालयलाई दुई लाख रुपैयाँ आर्थिक सहयोग गरेको हो ।

बैंकको केन्द्रिय कार्यालय नारायणहिटी पथमा मंगलबार आयोजित कार्यक्रमबीच उक्त आर्थिक सहयोग हस्तारन्तरण गरिएको हो ।

बैंकका कायमुकायम प्रमुख कार्यकारी अधिकृत गणेशराज पोखरेलको उपस्थितमा बैंकका प्रमुख प्रसाशकीय अधिकृत उमंग शर्माले विद्यालय व्यवस्थापन समितिका अध्यक्ष डुलबहादुर कुँवरलाई उक्त रकमको चेक हस्तारन्तरण गरेका हुन् ।

अध्यक्ष कुँवरले  कृषिबाली विज्ञान अध्ययन गर्ने पीजेटीएका विद्यार्थीलाई प्रयोगात्मक शिक्षा प्रदानका लागि आवश्यक पर्ने सामग्री खरिदमा उक्त रकम खर्च गरिने बताए ।

बैंकले निकट भविष्यमा संस्थागत सामाजिक उतरदायित्व कार्यक्रम अन्तर्गत सामाजिक, आर्थिक, सांस्कृतिक, शैक्षिक जस्ता क्षेत्रमा सकरात्मक परिवर्तनका निम्ति विभिन्न कार्यक्रम संचालन गर्ने समेत जानकारी गराएको छ ।