फागुन ३०, २०८०
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
पुस ३, २०७५
काठमाडौं – बहुप्रतिक्षीत मेलम्ची खानेपानी आयोजनाको निर्माण कार्य ठप्प पारेर भाग्न खोज्ने इटालियन ठेकेदार कम्पनी सीएमसीका प्रतिनिधि र सरकारबीच मंगलवार भएको वार्ता निष्कर्षविहीन बनेको छ । खानेपानी मन्त्री बीना मगर, मन्त्रालयका सचिव गजेन्द्र ठाकुर, मेलम्ची खानेपानी आयोजनाका प्रमुख सूर्यराज कंडेल लगायतको उपस्थितिमा खानेपानी मन्त्रालयमा भएको वार्तामा सहमति जुट्न नसकेको हो ।
करीब आधा घण्टाको छलफलमा सरकारी पक्षले कम्पनीले दाबी गरेजति रकम उपलब्ध गराउन नसक्ने जवाफ दिएपछि ठेकेदार कम्पनीका प्रतिनिधि बाहिरिएको स्रोतले बतायो । त्यसपछि मन्त्री मगर र सचिव ठाकुरबीच केहीबेर छलफल भएको थियो । स्रोतका अनुसार छलफलपश्चात सीएमसीसँगको वार्ता र विकसित घटनाक्रमबारे जानकारी गराउन मन्त्रालयका सहसचिव शंकरप्रसाद सुवेदीलाई प्रधानमन्त्री तथा मन्त्रिपरिषद्को कार्यालय पठाइएको छ ।
यद्यपि सहसचिव सुवेदीले भने प्रधानमन्त्री कार्यालय अर्कै कामले गएको जिकिर गरे । ‘म छलफल कक्षबाट त्यतिबेलै निस्किहालें,’ उनले लोकान्तरसँग भने, ‘त्यसपछि प्रधानमन्त्री कार्यालय गएको हुँ । मन्त्रालयकै अन्य विभिन्न कार्यहरू हुन्छन्, त्यसै सम्बन्धमा गएको हुँ ।’
आयोजनाको काम अलपत्र छाडेर सुटुक्क फिर्ता हुन खोजेका सीएमसीका ८ प्रतिनिधिलाई नेपाल प्रहरीको सहयोगमा आइतवार राति ठमेलबाट नियन्त्रणमा लिइएको थियो । फण्ड सटेज भएको कारण देखाउँदै आयोजना छाडेको पत्र बोकेर सीएमसीका प्रतिनिधि आइतवार आयोजनाको कार्यालय पुगेका थिए । यद्यपि सो पत्र बुझ्न आयोजनाले अस्वीकार गरिदिएको थियो ।
भूकम्प, नाकाबन्दी लगायतका कारणले काम गर्न नपाएको भन्दै सीएमसीले क्षतिपूर्ति दाबी गरेको छ । क्षतिपूर्तिको माग राख्दै गत जेठमा सीएमसीले काम अवरुद्ध पारेपछि विवाद टुंग्याउन गठित विवाद निरुपण समितिले ३५ करोड क्षतिपूर्ति दिनुपर्ने ठहर गरेको थियो ।
सरकारले उक्त क्षतिपूर्ति रकम काम सम्पन्न भएपछि मात्र दिने बताएको थियो । तर सीएमसीले तत्काल उपलब्ध नगराए आयोजनाबाट हात झिक्ने चेतावनी दिँदै आएको थियो ।
स्रोतका अनुसार उक्त रकम उपलब्ध गराउन तयार भएको सरकारले त्यसपछि थप क्षतिपूर्ति दाबी गर्न नपाउने शर्त राखेको छ । तर ठेकेदार कम्पनीले भने त्यसमा सहमति जनाएको छैन ।
एकतर्फी रूपमा सम्झौता रद्द गरे सीएमसीले राखेको करीब २ अर्ब धरौटी रकम जफत गर्ने सरकारी पक्षको चेतावनी छ ।
करीब तीन दशकपछि मेलम्ची सपना पूरा हुनै लागेको भनिएका बेला ठेकेदार कम्पनी नै भाग्न खोजेपछि काठमाडौंमा पानी कहिले आइपुग्ने हो भन्ने अन्योल थपिएको छ ।
पढ्नुहोस्, यो पनि :
मेलम्चीबाट भाग्न खोज्ने सीएमसी संसारभर बदनाम कम्पनी, टाट पल्टियौं भन्दै इटालीको अदालतमा निवेदन
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...