काठमाडौं –सर्वोच्च अदालतले स्वास्थ्य सचिव डा. पुष्पा चौधरीको पक्षमा भएको अन्तरिम आदेशलाई निरन्तरता दिएको छ । 

डा. चौधरीलाई प्रधानमन्त्री कार्यलयमा सरुवा गर्ने निर्णय काननुसम्वत नदेखिएको भन्दै अदातलले डा. चौधरीको पक्षमा फैसला गरेको हो । डा. चौधरीलाई प्रधानमन्त्री कार्यालयमा सरुवा गरेपछि उनले गत कात्तिक १५ गते सरकारको निर्णय विरुद्ध सर्वोच्चमा रिट दायर गरेकी थिइन् ।

चौधरीको रिटमा सुनुवाई गर्दै प्रधानन्यायाधीश ओमप्रकाश मिश्रको इजलासले निर्णय कार्यान्वयन नगर्न, नगराउन अन्तरिम आदेश दिएको थियो ।

सर्वोच्चको अन्तरिम आदेश खारेजीको माग सरकार पुन: सर्वोच्च गएको थियो । त्यसमाथि सुनुवाई गर्दै न्यायाधीशद्वय मीरा खड्का र ईश्वरप्रसाद खतिवडाको इजलासले सरकारले अन्तरिम आदेशलाई निरन्तरता दिने फैसला सुनाएको हो ।

सर्वोच्चको आदेशपछि डा. चौधरी स्वास्थ्य मन्त्रालयमा फर्कने बाटो खुलेको छ ।

यता सरकारले भने स्वास्थ्य तथा जनसंख्या मन्त्रालयमा प्रधानमन्त्री कार्यलयका सचिव केदारबहादुर अधिकारीलाई नियुक्त गरिसकेको छ ।  सर्वोच्चको यो निर्णयसँगै अब स्वास्थ्यमा दुई सचिव हुने भएका छन् ।