काठमाडौं- विश्व मुस्लिम सामुदायिक परिषद को सहकार्यमा नेपाल मुस्लिम महिला कल्याण समाजद्धारा “राष्ट्रको विकासका लागि महिलाहरुको समाबेशियूक्त भूमिका” संबन्धि एक दिने सम्मेलन आयोजना गरिएको छ । 

काठमाडौंमा सम्पन्न सम्मेलनमा १५० देशको सहभागिता रहको थियो जसमा नेपाल सरकारका तर्फबाट राष्ट्रिय योजना आयोग, मानव अधिकार आयोग लगायतका विभिन्न कुटनितिक नियोग तथा राष्ट्रिय स्तरका संघ सस्थाहरुका प्रमुख प्रतिनिधिहरु व्यक्तित्वहरुका साथै देशका विभिन्न जिल्लाबाट स्थानिय निकायका प्रतिनिधिहरु रहेका थिए । 

सम्मेलनको उद्घाटन उपराष्ट्रपति नन्दबहादुर पुनले गरेका थिए ।

सम्मेलनले महिलाको हतिमा विभिन्न निष्कर्ष निकालेको छ । सम्मेलनले महिलाको योगदान अभिबृद्धि गर्ने लगायतका विभिन्न निष्कर्ष निकालेको छ । महिलाको संख्यात्मक मात्र होइन गुणात्मक सहभागिता हुनु पर्दछ र यसका लागि महिलाहरुको क्षमता अभिबृद्धि गर्न ठोस पहल गर्नु पर्ने, संघीय शासन प्रणालीमा स्रोतको महिलाका लागि पनि न्यायोचित बाँडफाँड हुनु पर्ने लगायतका निष्कर्ष निकालेको छ ।

यो कार्यक्रमले सामाजिक, आर्थिक तथा सांस्कृतिक सद्भाव अभिवृद्धिकका लागि अत्यन्त प्रभावकारी खेल्ने आयोजकको विश्वास छ ।  

कार्यक्रमका प्रमखु अतिथि उप राष्ट्रपति श्री नन्द बहादुर पुनले नेपाली महिला, विषेश गरि पछाडि परेका मुश्लिम महिलाहरुको सामाजिक, आर्थिक, राजनीतिक तथा सांस्कृतिक विकासका लागि योगदान दिने प्रतिबद्धता व्यक्त गरे ।

नेपाली महिलाका विकास सम्बन्धि सम्मेलनको सहयोगका लागि डव्लू्रएमसीसीको सह्राअना गर्दै यसले नेपाल र यूएइको सम्बन्धमा नयाँ आयाम थपेको विचार गरे । 

नेपाल जस्तो बहुधार्मिक, बहुजातीय तथा बहुसांस्कृतिक परिवेश भएको मुलुकमा बहुधार्मिक, बहु सामाजिक तथा सांस्कृतिक एवं आर्थिक सद्भावकायम गरी मुश्लिम एवं समग्र पिछडिएका महिलाको विकासमा योगदान दिन डव्लूएमसीसीका अध्यक्ष तथा कार्यक्रमका विशेष अतिथि डा. अलि अल नियोमी तथा अर्का विशेष अतिथि डव्लूएमसीसीका महासचिव डा. मोहमद बसिर ले  डव्लूएमसीसीको संगको सहकार्य आउँदा दिनहरु पनि रहने आश्वासन दिए । 

कार्यक्रमको दोस्रो एवं विशेष महत्वपूर्ण सत्रमा विभिन्न विषयगत विषयहरुमा कार्यपत्रहरु प्रस्तुत गरेका थिए ।