‘प्रेमनाथ’ ट्रेलरमा प्रेम र एक्सन

पुस १९, २०७५

काठमाडौं –चलचित्र ‘प्रेमनाथ’को ट्रेलर तथा फष्टलुक सार्वजनिक गरिएको छ ।

बुधबार राजधानीमा आयोजित कार्यक्रममा चलचित्रको ट्रेलर तथा फष्टलुक सार्वजनिक गरिएको हो ।


ADVERTISEMENT

फष्टलुक पोष्टरमा चलचित्रका अधिकाँश कलाकारले स्थान पाएका छन् । ट्रेलर पनि अन्य चलचित्रको भन्दा भिन्न प्रकारले तयार गरिएको छ । ट्रेलरमा प्रेम, एक्सन र रोमान्सका दृश्यले प्राथमिकता पाएका छन् ।

२५ सय बर्ष अगाडीको प्रेमकथा दाबी गरिएको चलचित्र कलाकार गणेश बेलवासेले निर्देशन गरेका हुन् । चलचित्रमा सुरवीर पण्डित, गजित बिष्ट, नवीन श्रेष्ठ, कमल गाउँले, गणेश बेल्वासे, मियुम जिरेल, शेखरजंग मल्ल, सम्झना भेटवाल, पूजा रिजाल, सिर्जना राई लगायतको अभिनय रहेको छ । 

यसै चलचित्रमार्फत कृति गौतम र मोनालिशा विष्टले अभिनयमा डेब्यू गरेका छन् ।

काठमाडौं, लुम्बिनी, रोल्पा, लखनउ, दाङ लगायतका स्थानमा छायाँकन गरिएको चलचित्रको निर्माता गुहेश्वरी बेलबासे हुन् । कपिलप्रसाद दवा कार्यकारी निर्माता रहेको चलचित्रमा सह–निर्माताको रुपमा बसन्तराज भट्ट र मिलन राई समेत रहेका छन् । 

‘प्रेमनाथ’का द्वन्द्व निर्देशक भरत क्षेत्री हुन् । संगीतकारमा सन्तोष श्रेष्ठ, भुपु पाण्डे र एसडी योगी रहेका छन् । नृत्य निर्देशन रजिन पाठक हुन् । गीतमा राजेश पायल राई, भुपु पाण्डे, बेनुका राई, सूची पन्थी, अञ्जली पटेल, रेयापे दाजु र चित्रवीर जिसीको स्वर छ । ‘प्रेमनाथ’मा छायांकन सुमिन कार्की, सुरज पाण्डे र सञ्जय सहानीको रहेको छ । चलचित्र चैत २५ गतेबाट प्रदर्शनमा आउने जनाइएको छ ।

पुस १९, २०७५ मा प्रकाशित

प्रतिक्रिया दिनुहोस