काठमाडौं — चिनियाँ राष्ट्रपति शी चिनफिङले कोरियाली प्रायद्वीपको आणविक निःशस्त्रीकरणप्रति किम जोङ–उनले देखाएको प्रतिबद्धताको स्वागत गरेका छन् । 

किम र अमेरिकी राष्ट्रपति डोनल्ड ट्रम्पबीचको दोस्रो शिखरवार्ताको सम्भावनाका बीच किमले चीनको भ्रमण गरेर शीसँग वार्ता गरेका हुन् । 

बेइजिङले प्योङयाङ र वाशिङटन कोरियाली क्षेत्रमा दीर्घकालीन शान्ति र स्थिरता ल्याउने सहमतिमा पुग्ने आशा पनि गरेको छ । राजनीतिक अवतरणलाई संयुक्त रूपमा अघि बढाउने दुवै देशको दृढ निश्चयमा जोड दिँदै शीले उत्तर
कोरिया र अमेरिकाबीचको संवादलाई प्रोत्साहन गर्नका लागि चीन पूर्ण प्रतिबद्ध रहेको बताए । 

‘चीनले कोरियाली प्रायद्वीपको आणविक निःशस्त्रीकरणको दिशामा निरन्तर कायम रहने उत्तर कोरियाको प्रतिबद्धतालाई समर्थन गरेको छ, दुई कोरियाबीचको सम्बन्धको निरन्तर सुधारलाई समर्थन गर्छ अनि संवादमार्फत जायज
चिन्ताहरूको समाधानमा सम्बन्धित पक्षलाई सहयोग गर्छ,’ शीले बेइजिङमा किमसँग मुखामुख वार्ताका क्रममा भने । 

किमले पनि तनाव कम गर्नका लागि चीनले खेलेको सकारात्मक भूमिकाको प्रशंसा गरेका छन् । 

आरटीबाट