काठमाडौं–दुवई अन्तराष्ट्रिय जुनियर ब्याडमिन्टनका बिजेता प्रिन्स दाहालले राष्ट्रपति कप जुनियर अन्तराष्ट्रिय ब्याडमिनटन प्रतियोगितामा दोहोरा जित हात पार्दै उपाधी जितेका छन् । प्रिन्स यु–१९ र यु–१५ दुवै तर्फ बिजयी भएका हुन् । उनले फाईलनमा यु–१९ मा उच्च बरिएताका प्रफुल महर्जनलाई २१ । ८ र २१ । १० ले पराजित गर्दै उपाधी उचाले । यस्तै यु–१५ मा उनले म्यानमारका ज लिन थुलाई २१ । १५, १७ । २१, २१ । ९ ले पराजित गर्दै दोहोरो उपाधी उचाले ।

नेपाल ब्याडमिन्टन संघको तत्वाधान तथा मोरङ्ग जिल्ला ब्याडमिन्टन संघको आयोजनामा भएको प्रतियोगिताको महिला यु–१९ मा उच्च बरिएताकी जेशिका गुरुङ्गले रशिला महर्जनमाथी २४ । २२, २१ । १४ ले पाखा लगाउंदै उपाधी जितिन् । यस्तै उनले रशिला संग मिलेर यु–१९ गल्र्स जोडी तर्फ पनि उपाधी हात पारिन् । जेशिका र रशिलाको जोडीले शिमा राजबंशी र निता लम्साललाई २१ । १२, २१ । ३ ले पाखा लगाए ।

सहिद रङ्गशालास्थित कभर्डहलमा भएको प्रतियोगिताको यु – १९ पुरुष  युगल तर्फको खेलमा म्यानमारका ज लिन थु र थु रिनको जोडीले प्रफुल महर्जन र रुकेश महर्जनको जोडी माथी १९ । २१, २१ । १८ र २१ । १७ को जित निकाल्दै उपाधी उचाले ।

यु–१५ गल्र्स तर्फको खेलमा उच्च बरिएताकी रशिला महर्जनले स्मृती राईलाई २१ । ७, २१ । ३ ले पराजित गर्दै उपाधी हात पारिन् ।

बिजयी शिर्ष तीन स्थान हात पार्ने खेलाडीहरुले क्रमशः नगद २० हजार, १० हजार र ५ हजार नगद सहित ट्रफी र प्रमाण पत्र प्राप्त गरेका छन् ।

बिजयी खेलाडीहरुलाई बिराटनगर नगरपालिकाका मेयर भिम पराजुली लगायतले पुरस्कार बितरण गरेका थिए ।