शिवपुराण– कतै तपाई यस्तो गरिरहनु भएको त छैन ? भगवान शिवले कहिल्यै माफ गर्नु हुने छैन

पुस २८, २०७५

भगवान शिवलाई भोलेनाथ पनि भनिन्छ । तर शिव जति सजिलोसँग प्रसन्न हुनुहुन्छ उहाँको रिस पनि त्यति नै प्रलयकारी छ । पुराणहरुका अनुसार जुन दिन शिव भगवानले आफ्नो तेस्रो नेत्र(आँखा) खोल्नुहुन्छ त्यो दिन विश्वको अन्त्य निश्चित छ । 

शिव पुराणमा कार्य, व्यववहार तथा सोचद्वारा गरिएको १२ पापको वर्णन गरिएको छ जसलाई भगवान शिवले कहिल्यै क्षमा गर्नुहुने छैन । यसतो व्यक्ति सधै भगवानको नजरमा रहने र त्यस्ता व्यक्तिले सुखी जीवन व्यतित गर्न सक्नेछैनन् । 


ADVERTISEMENT

तपाईले सुन्नु नै भएको होला भगवानबाट केही लुकेको छैन । यतिसम्मकी तपाईले आफ्नो मस्तिस्कमा सोचेको विषय पनि भगवानबाट लुक्न सक्दैन । यसकारण तपाईंले कुरा र व्यवहारबाट कसैलाई हानी पु¥याउनुभएको छैन होला तर यदी मन मनै कसैलाई कुनै दर्भावना राख्नु भएको छ भने यो पनि पापको श्रेणीमा पर्दछ । 

अर्काको पति या पत्नीमाथि नराम्रो नजर राख्नु या उसलाई पाउने इच्छा गर्नु पनि पापको श्रेणीमा राखिएको छ । 

अरुको धन आफ्नो बनाउने चाहना राख्ने पनि भगवान शिवको नजरमा अक्षम्य अपराध र पाप हो । 

कुनै निरपराध मानिसलाई कष्ट दिनु, उसलाई नोक्सान पुर्‍याउनु, धन सम्पत्तिमा हानी र उसमाथि बाधा उत्पन्न गर्ने सोच राख्ने पनि भगवान शिवको नजरमा माफि योग्य हुँदैन अर्थात यो पापा हो । 

राम्रो विचार त्यागेर नराम्रो कार्यमा लाग्ने व्यक्तिको कार्यपनि पापको भागिदार हुन्छ । 

शिव पुराणका अनुसार जसरी तपाइले  कसैको कुभलो सोच्नु पाप हो त्यसैगरि तपाईको बोलीले कसैलाई हानी भएको खण्डमा पनि त्यो अक्षम्य पाप हो । 

कुनै गर्भवती महिला या मासिक श्रावका बीचमा कुनै महिलालाई कटु बचन भन्नु वा कुनै भनाइले उनको मन दुख्नु शिव भगवानको नजरमा अक्षम्य अपराध र पाप हो । 

कसैको सम्मानमा हानी पुराउने नियतले झुठ बोल्नु छलको श्रेणीमा आउँछ र यो पाप हो । 

कसैको मानसम्मानमा हानी पु¥याउने गरि उसको पछाडि कुरा काट्नु र अफवाह फैलाउनु पनि पाप हो । 

शिव पुराणका अनुसार धर्मले गर्नु भनेको र नखानु भनेको  खानु पनि पाप हो । यसो गर्ने मानिस भगवान शिवको नजरमा अपराधी हुनेछन् । 

बालबालिका, महिला तथा कोही कमजोर जीवको विरुद्ध हिंसा र असामाजिक कार्यमा लिप्त मनुष्यलाई पापको भागीदार मानिएको छ । 

गलत तरिकाले अरुको सम्पत्ति प्राप्त गर्नु, ब्राह्मण वा मन्दिरको चीज चोर्नु र गलत तरिकाले प्राप्त गर्नेलाई भगवानले अपराधको श्रेणीमा राख्नु भएको छ । 

गुरु, माता पिता, पत्नी या पूर्वजको अपमान गर्नेलाई भगवान शिवले क्षमा नगर्ने शिवपुराणमा उल्लेख गरिएको छ । 
 

पुस २८, २०७५ मा प्रकाशित

प्रतिक्रिया दिनुहोस