काठमाडौं – माछापुच्छ्रे बैंक लिमिटेडले दार्चुलास्थित अपि हिमाल र ब्यास शाखा कार्यालय सञ्चालमा ल्याएको छ ।

बैंकले मिति २०७५ साल पौष २९ गते दार्चुलाको अपिहिमाल गाँउपालिकास्थित अपि हिमाल शाखा कार्यालय र ब्यास गाँउपालिकास्थित ब्यास शाखा कार्यालयको औपचारिक शुभारम्भ गरेको हो ।

यसअघि यी स्थानीय तहमा कुनै पनि बैंक तथा वित्तीय संस्थाको उपस्थिति रहेको थिएन । नयाँ शाखाहरूमार्फत् बैंकले आफ्ना ग्राहकलाई कर्जा, निक्षेप लगायतका सम्पूर्ण बैंकिङ सुविधा उपलब्ध गराएको छ ।  

बैंकले पूर्वमा झापादेखि पश्चिममा कञ्चनपुर साथै हिमालदेखि पहाड र तराईसम्म आफ्ना ९० वटा शाखा, २ एक्सटेन्सन काउन्टर लगायत ५२ शाखारहित बैकिङ सेवा गरी जम्मा १४४ स्थानबाट बैंकिङ सुविधा प्रदान गरिरहेको छ ।

साथै बैंकको देशभर १११ वटा एटीएम सञ्चालनमा रहेको छ ।