जनकपुरधाम – प्रदेश २ का आर्थिक मामिला तथा योजना मन्त्री विजयकुमार यादवले सचिवमाथि कुटपिट गरेको विरोधमा कर्मचारीहरू आन्दोलित बनेको छन् ।

मन्त्री यादवले उद्योग, पर्यटन, वन तथा वातावरण मन्त्रालयका सचिव विद्यानाथ झामाथि कुटपीट गरेको विरोधमा कर्मचारीहरू आन्दोलित बनेका हुन् ।

२४ घण्टाभित्र न्यायिक छानबिन समिति गठन गरी दोषी उपर कारवाहीको मागसहित प्रदेश २ का सबै मन्त्रालयका कर्मचारीले हातमा कालोपट्टी बाँधेर काम गरिरहेका छन् । 

निजामती कर्मचारीको आधिकारिक ट्रेड युनियनको अगुवाइमा आन्दोलित कर्मचारीहरूले मुख्यमन्त्री लालबाबु राउत तथा प्रमुख जिल्ला अधिकारीलाई ज्ञापनपत्र समेत बुझाउँदै छन् ।

यसअघि मुख्यमन्त्री राउतले सबै मन्त्रालयका सचिवहरूसँग कुराकानी गरेका थिए, तर ठोस सहमति हुन सकेन ।

२४ घण्टाभित्र आफूहरूको माग सम्बोधन नभए अझै कडा आन्दोलनमा उत्रिने कर्मचारीको चेतावनी छ ।

हेर्नुहोस्, ज्ञापनपत्र :