काठमाडौं — चन्द्रमाको अज्ञात भागको जानकारी जुटाउनका लागि चीनले पठाएको मून रोभर छाङ ई–४ ले राति चन्द्रमामा हुने तापक्रमको रहस्य पत्ता लगाउने भएको छ । 

वैज्ञानिकहरूले चन्द्रमाको एक दिन पृथ्वीको १४ दिन बराबर हुने बताए । अनि रात पनि त्यति नै लामो हुन्छ । 

चन्द्रमामा दिन र रातको तापक्रममा भीषण अन्तर हुन्छ । वैज्ञानिकहरूले दिनमा अत्यधिक तापक्रम १२७ डिग्री सेल्सियस र रातिको तापक्रम माइकस १८३ डिग्री सेल्सियससम्म पुग्छ । 

चाइना एकेडमी अफ स्पेस टेक्नोलोजी छाङ ई–४ अनुसन्धान परियोजनाकी कार्यकारी निर्देशक झाङ हेले भनिन्, ‘चन्द्रमाको तापक्रमका बारेमा जुटाइएका आँकडाविना हामी चन्द्रमाको रातमा कति जाडो हुन्छ भन्न सक्दैनौं । छाङ ई–४ ले चन्द्रमाको दिन र रातको तापक्रमको अन्तर नाप्नेछ जसमार्फत वैज्ञानिकहरूलाई चन्द्रमाको सतहको प्रकृतिको आँकलनमा सहायता पुग्नेछ ।

एजेन्सी