काठमाडौं– प्रधानमन्त्री केपी शर्मा ओलीले भूकम्पपछिको पुनःनिर्माणमा निजी आवासलाई नै प्राथमिकता दिन निर्देशन दिएका छन् । 

राष्ट्रिय पुनःनिर्माण प्राधिकरण परामर्श परिषदको चौथो वैठकमा ओलीले यस्तो निर्देशन दिएका हुन् । 

मान्छे बचाउने काम पहिलो प्राथमिकता भएकाले निजी आवासलाई नै पहिले बनाउनुपर्ने प्रधानमन्त्री ओलीको भनाइ थियो । 

‘भगवान त बाँचिहाल्छन् नि,’ ओलीले भने, ‘पहिले बचाउनुपर्ने मान्छेलाई हो ।’

मठ मन्दिरको पुनःनिर्माण भन्दा मान्छेको निवास निर्माणलाई प्राथमिकता दिने र त्यसमा पनि सुत्केरी, गर्भवतीमहिला, अपाङ्गता भएका व्यक्तिको घरको पुनःनिर्माणमा विशेष प्राथमिकता दिइनु पर्ने ओलीले जोड दिए । 

त्यसपछि क्रमश, विद्यालय, स्वास्थ चौकी र अन्य सरकारी कार्यालयको पुनःनिर्माणमा प्राथमिकता दिनुपर्ने ओलीको भनाइ थियो ।