विराटनगर— दुर्घटना न्युनिकरणको लागि ट्राफिक प्रहरीले विराटनगरमा मुकुट अभियान शुरु गरेको छ । जिल्ला ट्राफिक कार्यालय मोरङले विराटनगर महानगरपालिका वडा नम्बर ४ कन्चनवारीमा ट्राफिक प्रहरीको मुकुट बनाएर राखेको हो । 

रातीको समयमा अत्याधिक दुर्घटना भएपछि ट्राफिक प्रहरीले आफ्नै मुकुट बनाएर राखेर दुर्घटना रोक्ने काम शुरु गरेको जनाएको हो । पछिल्ला दिनमा ट्राफिक दुर्घटना अत्याधिक  बढेपछि यो क्षेत्रमा ट्राफिक प्रहरीले दुर्घटना  न्युनिकरणको लागि मुकुट राखेको जनाएको हो । 

सडकमा राखिएका डिभाइडरमा ठोक्कीएर दुर्घटना हुने गरेकोले दुर्घटना न्यूनिकरण गर्न कन्चनवारी चोकस्थित ट्राफिक प्रहरी पोष्ट नेमुवाको अनुरोधमा कन्चनवारी बजार व्यवस्थापन समितिले ट्राफिक प्रहरीको मुकुट राखेको हो । यसरी राखिएको मुकुटमा विराटनगरमा कार्यरत ट्राफिक प्रहरीको तस्विर छ ।