काठमाडौं – सनराइज क्यापिटल लिमिटेडको शनिवार सम्पन्न आठौं वार्षिक साधारणसभाले शेयरधनीलाई २० प्रतिशत नगद लाभांश घोषणा गरेको छ ।

सञ्चालक समितिले सिफारिस गरेबमोजिम साधारण सभामा अध्यक्षद्वारा प्रस्तुत आर्थिक वर्ष २०७४/०७५ को वार्षिक प्रतिवेदन, लेखा परीक्षकका प्रतिवेदन पारित गर्नुका साथै आर्थिक वर्ष २०७५/०७६ को लेखा परीक्षकका लागि लेखा परीक्षकमा वसौला एण्ड एशोसिएटस्लाई नियुक्त गरेको छ ।

कम्पनीको सभाले आफ्नो नियमावली संशोधन गरी २ स्वतन्त्र सञ्चालकसहित ६ जनाको सञ्चालक समिति कायम गर्ने निर्णय गरेको छ । कम्पनीले आर्थिक वर्ष २०७४/०७५ को मुनाफाबाट शेयरधनीलाई २०% नगद लाभांश दिने घोषणा गरेको छ ।