काठमाडौं — अमेरिकाको मिलवाउकीमा ट्रान्जिट सर्भिसकी बस चालिकाको सुझबुझका कारण डेढ वर्षको बच्चाले परिवारसँग पुनर्मिलनको मौका पाएको छ । 

महाठण्डीमा सानो बालकको उद्धार गरिएको भिडियो सामाजिक सञ्जालमा भाइरल बनिरहेको छ । बस चालिकाले सडकको पल्लोपट्टि हिँडिरहेको बच्चोलाई देखेर गाडी रोकिन् अनि सडक पार गरेर बच्चानजिक पुगिन् । 

बच्चा रेडलाइट नजिक गइरहेको थियो । बस चालिका इरेना इभिकले बस रोकिन् र उसकहाँ पुगेर उसलाई बोकिन् । ‘सौभाग्यकै कुरा हो, म सही ठाउँमा सही समयमा उपस्थित रहें,’ इभिकले भनिन् । काउन्टी ट्रान्जिट सिस्टमकले

घटनाको भिडियो सार्वजनिक गरेको हो । 

पछि चालिकाको सम्मानमा एक कार्यक्रम पनि आयोजना गरियो । 

बालकलाई उद्धारपछि बसमा एक यात्रीले आफूनजिक बसाए । पछि उसलाई स्थानीय अधिकारीहरूकहाँ लगियो । उनीहरूले नै उसलाई परिवारकहाँ पु–याए ।

एजेन्सी