काठमाडौं – माछापुच्छ्रे बैंक, टाइम्स रेमीट र एएमभी टेल कम्पनीबीच बैंकका ग्राहकहा साथै सर्वसाधारणका लागि सुविधास्वरुप रेमिटएप मोबाइल वालेट सेवा सम्बन्धी त्रिपक्षीय सम्झौता भएको छ ।

सम्झौता पत्रमा माछापुच्छ्रे बैंकको तर्फबाट प्रमुख कार्यकारी अधिकृत सुमन शर्मा तथा टाइम्स रेमीट र एएमभी टेलको तर्फबाट क्रमशः प्रबन्ध निर्देशक अनिल स्थापित र प्रबन्ध निर्देशक अनिल शर्माले हस्ताक्षर गरे ।

समारोहमा टाइम्स रेमीटका महाप्रबन्धक सुदनसिंह सिलवालको पनि उपस्थिति थियो ।

सम्झौता अनुसार माछापुच्छ्रे बैंकका ग्राहक एवं सर्वसाधारणले रेमिटएप वालेट प्रयोग गरी विदेशबाट आफ्ना आफन्तलाई रेमिटेन्स पठाउन सक्नेछन् । डोमेस्टिक रेमिटेन्स र बिल भुक्तानीको सुविधा पनि उपभोग गर्न पाउनेछन् । 

बिल भुक्तानीका अलावा ग्राहकले आफ्नो बैंक खाताबाट वालेटमा तथा वालेटबाट बैंक खातामा आफूले चाहेको रकम समेत स्थानान्तरण गर्न सक्नेछन् । रेमिटएप, आईओएस तथा एन्ड्रोएड दुबै ओपरेटीङ सिस्टम प्रयोगकर्ताको लागि उपलब्ध छ ।

बैंकले पूर्वमा झापादेखि पश्चिममा कञ्चनपुर साथै हिमालदेखि पहाड र तराईसम्म आफ्ना ९० वटा शाखा, २ एक्सटेन्सन काउन्टर लगायत ५२ शाखारहित बैंकिङ सेवा समेत गरी जम्मा १ सय ४४ स्थानबाट ग्राहकमा सम्पूर्ण बैंकिङ सुविधा प्रदान गरिरहेको छ । बैंकको देशभर १ सय ११ वटा एटीएम सञ्चालनमा रहेको छ ।