अमेरिकामा अपहरणको खतरनाक घटना : किशोरीले बिताइन् ८८ दिनसम्म यातनापूर्ण जीवन

माघ २, २०७५

काठमाडौं — तेह्र वर्षीया जेमी क्लोसलाई एक अपहरणकारीले लगभग तीन महिनासम्म आफ्नो ओछ्यानमुनि बनेको दुई फीटे साँघुरो ठाउँमा राखेको पाइएको छ । 

जेमीलाई घन्टौंसम्म खाना, पानी र शौचालयबाट वञ्चित गरिन्थ्यो । जेमीका मातापितालाई मारेपछि अपहरणकारीले लगेपछि साह्रै डराएकी जेमीले भाग्ने कोशिश समेत गरिनन् । 


ADVERTISEMENT

अधिकारीहरूका अनुसार, अपहरणको ८८औं दिनमा अपहरणकारी जेक टमस प्याटरसनले आफ्नो रिमोट छोडेपछि जेमीले स्वतन्त्रता पाइन् । उनले प्याटरसनको जुत्ता लगाइन् । आत्तिएको सुरमा उनले उल्टो जुत्ता लगाएकी थिइन्

। एक छिमेकीले ९११ इमर्जेन्सी नम्बरमा कल गरे अनि प्याटरसनलाई पक्राउ गरियो । 

एक्काईस वर्षीय प्याटरसनलाई जानीबुझी दुई मानिसको हत्या गरेको अनि हतियार देखाएर नाबालिकालाई अपहरण गरेको आरोप सोमवार लगाइएको छ । 

प्याटरसन वेस्ट ब्यारनमा एक चीज कारखानामा काम गर्थे । काम गर्न जाँदा उनले स्कूल बसमा जेमी चढ्दै गरेको देखे । उनले जेमलाई अपहरण गर्ने योजना बनाए । 

अपहरणका लागि उनले जेमीको घर दुईपटक पुगे तर असफल भए । अक्टोबर १५ मा उनले तेस्रोपटक प्रयास गरे । कालो रंगको कपडा, फेस मास्क र पञ्जा लगाएर उनले एउटा शटगन बोके । राति १ बजे उनले बिजुली काटिदिए, तारजाली पनि काटिदिए र क्लोसको घर पुगे । 

जेमीले प्रहरीलाई बताएअनुसार, उनको कुकुरले भुक्न थालेको थियो । उनले आफ्नो मातापितालाई उठाइन् । उनका पिता अगाडिको ढोकातिर गए अनि आमा र उनी बाथरूमको बाथटबमा एकअर्कालाई समातेर लुकिरहे । 

जेमीले बन्दूक पड्केको आवाज सुनेपछि उनले पिताको मृत्यु भएको थाहा पाइन् । 

प्याटरसले जेम्स क्लोसलाई अघिल्लो ढोकाबाट गोली हानेर अर्को एक गोलीले लक तोडिदिए । 

उनले बाथरूमको ढोका फुटायो र कालो टेपको रोल बाहिर निकाले । जेमीकी आमा डेनिस क्लोसलाई प्याटरसनले छोरीको मुख बन्द गर्न लगाइन् । डेनिसले त्यसो गर्न नसकेपछि प्याटरसनले आफैं जेमीको मुख बन्द गरिदिए ।

अनि उनले जेमीलाई बाथरूम बाहिर ताने र आमाको टाउकोमा गोली हानिदिए । 

प्याटरसनलाई यति सबै गर्नका लागि जम्मा चार मिनेट लाग्यो । प्याटरसनले जेमीलाई घिसारेर गाडीको ट्रंकमा हाले । त्यसपछि उनले जेमीलाई आफ्नो बगैंचाको क्याबिनमा लगे । 

उनले रोइरहेकी जेमीलाई कपडा खोल्न भने अनि आफ्नी बहिनीको पाइन्ट लगाउन लगाए । 

यत्तिका दिनसम्म प्याटरसनले जेमीमाथि के के गरे भन्ने कुरा प्रस्ट भएको छैन । सरकारी वकिलहरूले उनीमाथि यौनशोषणको आरोप लगाएका छैनन् । 

प्याटरसनले अनुसन्धानकर्ताहरूले बताएअनुसार, उनी क्याबिनबाट बाहिर निस्कँदा वा उनलाई मानिस भेट्न आउँदा जेमीलाई खाटमुनिको सानो ठाउँमा लुक्न भन्थे । उनी खाटनजिक बक्स र अन्य भारी सामान राख्थे र जेमीलाई लुकाइदिन्थे । 

जेमीले दुईपटक बाहिर आउने कोशिश गरिन् । क्रिसमसको छुट्टीका बेलामा प्याटरसन बाहिर जाँदा जेमीले १२ घन्टासम्म बेडमुनि कुनै पनि कुचुक्क परेर बस्नुपरेको थियो र दिसापिसाब गर्नका लागि पनि जान पाइनन् । 

तर त्यही अवसर छोपेर उनी भाग्न सफल भइन् । प्याटरसन फर्केर आउँदा उनलाई नदेखेपछि बाहिर निस्केर खोज्न थाल्दा प्रहरीले पक्राउ गरेको हो । 

एजेन्सी
 

माघ २, २०७५ मा प्रकाशित

प्रतिक्रिया दिनुहोस