काठमाडौं – सिटी एक्सप्रेसको ‘लखपति एक्सप्रेस’ योजना अन्तर्गत सिटी एक्सप्रेस मनि ट्रान्सफर जापानबाट पैसा पठाई बम्पर उपहार १२ लाख रुपैयाँको लक्की ड्रमा परी मानबहादुर खत्री विजेता घोषित भएका छन् ।

सिटी एक्सप्रेस कम्प्लेक्स् भवनमा कार्यक्रमको आयोजना गरी एक समारोहबीच सिटी एक्सप्रेसको प्रबन्ध निर्देशक चन्द्र टण्डन र  ब्रान्ड एम्बेसडर सिताराम कट्टेल ‘धुर्मुस’द्वारा सिस्ट्ममा आधारित लक्की ड्रमार्फत् विजेता घोषणा गरिएको छ ।

उपहार योजना अवधिमा हालसम्म दैनिक उपहार योजना अन्तर्गत १ हजार ८० जनाले २ सय रुपैयाँको मोबाइल टप अप, साप्ताहिक रुपमा ३६ जना विजेताले १० हजार रुपैयाँ नगद र ३ जनाले १ लाख रुपैयाँ नगद प्राप्त गरिसकेका छन् । ती सबै उपहार विद्युतीय लक्की ड्रमार्फत् विजेता छनौट गरिएको थियो ।

सिटी एक्सप्रेसको ‘लखपति एक्सप्रेस’ उपहार योजना अन्तर्गत लक्की ड्रमार्फत् उपभोक्ताले दैनिक २ सय रुपैयाँको मोबाइल टप अप १२ जनालाई, साप्ताहिक रुपमा १० हजार रुपैयाँ ३ जनालाई र हरेक महिना लक्की ड्रमा विजयी हुने १ जनाले १ लाख रुपैयाँ र अन्त्यमा १ जना भाग्यशाली विजेताले १२ लाख रुपैयाँ बम्पर उपहार प्राप्त गर्ने प्रावधान राखिएको थियो ।

सिटी एक्सप्रेस मनि ट्रान्सफरले आफ्नो १२ औं वार्षिकोत्सवको उपलक्ष्यका साथै दशैंतिहार र छठलाई लक्षित गर्दै ‘लखपति एक्सप्रेस’ योजनाको आयोजना गरेको थियो । योजना असोज १ गतेदेखि मंसिर २९ गतेसम्म चलेको थियो ।
यो अवधिभर सिटी एक्सप्रेसमार्फत् मनी ट्रान्सफर गर्ने सम्पूर्ण सेवाग्राही यो उपहार योजनामा सहभागी भएका थिए ।