काठमाडौं — अस्ट्रेलियाका विभिन्न शहरमा तापक्रमले कीर्तिमान भंग गरेको छ । विगत चार दिनदेखि लू चलिरहेको छ । 

मौसम विभागले बिहीवार एक विशेष वक्तव्य जारी गर्दै देशभरि लूको अवधि असामान्य रूपमा लम्बिएको बतायो । 

डिसेम्बर २७ अहिलेसम्मकै सबभन्दा गर्मी दिनका रूपमा दर्ज भयो । 

न्यु साउथ वेल्सका नौ ठाउँमा बुधवार तापक्रमको कीर्तिमान भंग भयो । 

उक्त राज्यको उत्तरपश्चिमी क्षेत्रमा रहेको ह्वाइटक्लिफमा ४८.२ सेल्सियस दर्ज गरियो र त्यो उक्त क्षेत्रको सबभन्दा बढी तापक्रम हो । 

सुदूरपश्चिममा रहेका शहरहरू विल्कान्निया, मेनिन्डी र इभानहो सबै बिहीवार ४८ सेल्सियस पुग्ने सम्भावना छ । 

गर्मी अझै बढ्ने मौसम विभागले चेतावनी दिएको छ । 

द गार्डियनबाट