काठमाडौं — पत्रकार रामचन्द्र छत्रपति हत्याकाण्डमा दोषी ठहरिएका गुरमीत राम रहीमलाई बिहीवार सजाय सुनाइने भएको छ । सजायको घोषणा भिडियो कन्फेरेन्समार्फत दिइनेछ । 

राम रहीम तथा तीन अन्यलाई विशेष सीबीआई अदालतले दोषी ठहर गरेको हो । सोह्र वर्ष पुरानो यो घटनाको सुनुवाइ गरिरहेको सीबीआई अदालतले बुधवार हरियाणा सरकारको निवेदन स्वीकार गरेर राहत दियो । 

यसैबीच सिरसा र फतेहाबादमा सुरक्षा व्यवस्था कडा पारिएको छ । सिरसा र फतेहाबाद जिल्लामा धारा १४४ लागू गरिएको छ । 

अब गुरमीत राम रहीम समेत कृष्णलाल, निर्मल सिंह र कुलदीप सिंहलाई पञ्चकूलाको सीबीआई अदालतमा प्रत्यक्ष रूपमा पेश हुने आवश्यकता पर्दैन । 

राम रहीम अहिले साध्वी यौन शोषणको मामिलामा रोहतकको सुनारिया जेलमा बन्द छन् । अन्य तीनजना अम्बाला केन्द्रीय कारागारमा थुनिएका छन् । 

सिरसामा प्रहरीका साथसाथै सुरक्षाबलका १२ कम्पनी तैनाथ गरिएको छ । डेरानजिक तथा अन्य संवेदनशील इलाकामा बुधवार फोर्सले गश्ती गरेको छ । 

सजायको घोषणाको ठीकअघि फतेहाबादमा किलाबन्दी गरिएको छ । कडा सुरक्षाका लागि फतेहाबादमा बीएसएफलाई पनि प्रहरीसँगै तैनाथ गरिएको छ । 

एजेन्सी