काठमाडौं – नेपाली चलचित्रलाई प्राथमिकता दिँदै ‘फिल्मी फुच्चे’ एप सार्वजनिक नेपालका सबै चलचित्र प्रेमीको लागि नेपाली, हिन्दी, साउथ इन्डियन र हलिउडका चलचित्रहरूको सम्पूर्ण जानकारीको साथमा ‘फिल्मी फुच्चे’ एप सार्वजनिक भएको छ ।

एपमा मनोरञ्जनका सम्पूर्ण ताजा खबर, प्रदर्शनमा आएका र आउने चलचित्रका सबै जानकारी, चलचित्र समिक्षा, बक्स अफिस कलेक्सन, ट्रोलहरू लगायत अन्य थुप्रै फिचरहरू समावेश गरिएको छ ।

नयाँ सामाग्रीजस्तै ‘कुनै चलचित्रको ट्रेलर या गीत’ सार्वजनिक भएलगत्तै एपमा अपडेट पाइने छ । त्यसबाहेक नेपाली चलचित्र प्रेमीको विदेशी चलचित्र प्रतिको मोह महसुस गरेर सम्पूर्ण विदेशी चलचित्रलाई पनि समावेश गरिएको छ ।

एउटा चलचित्र प्रेमीले अब प्रदर्शनमा आउन लागेका सबै चलचित्र सम्बन्धी जानकारी ‘फिल्मी फुच्चे’ एपमा एकै ठाउँ भेट्न सकिने छ ।

‘यदि तपाईं चलचित्र प्रेमी हुनुहुन्छ भने "Filmy Fuche" "Fifu" तपाईंको लागि हो । प्रयोग गरेर आफ्नो प्रतिक्रिया अवश्य दिनुहोला,’ कम्पनीद्वारा जारी विज्ञप्तिमा उल्लेख छ, ‘अहिले गुगल प्ले स्टोरबाट एनड्रोइड प्रयोगकर्ताले मात्र फिल्मी फुच्चे डाउनलोड गर्न मिल्नेछ भने केही समयमै आइफोन प्रयोगकर्ताहरूको लागि यो एप सार्वजनिक गरिने छ ।’