काठमाडौं– अभिनेत्री ऋचा शर्मा नर्भिक अस्पतालमा उपचाररत छिन् । छातीमा सामान्य समस्या देखिएपछि उनी बुधवार अस्पताल भर्ना भएकी हुन् । यद्यपि केही सञ्चारमाध्यममा हार्ट अट्याक भएको भन्ने समाचार आएको भन्दै उनले त्यसको खण्डन गरिन् । 

लोकान्तरसंग टेलिफोनमा उनले भनिन्, ‘त्यो गलत हो । सामान्य छाति दुखेको थियो । डाक्टरको सल्लाहअनुसार अस्पताल भर्ना भएकी हुँ ।’

छाती दुख्ने समस्या कम हुँदै गएको पनि ऋचाले सुनाइन् । लोकान्तरसँगको कुराकानीमा ऋचाले आफू शुक्रवार डिस्चार्ज हुने बताइन् ।