काठमाडौं — भारतको नयाँ दिल्लीमा शकरपुर स्कूल ब्लकको प्राचीन शिव मन्दिरमा बिहीवार राति सम्पन्न विवाह समारोहमा दुलहीलाई गोली लाग्दा हंगामा मच्चियो । 

दुलही वरमालापछि स्टेजतर्फ जाँदा गोडामा गोली लाग्यो । उनी लडिन् । हतारहतार उनलाई लालबहादुर शास्त्री अस्पताल लगियो तर शुक्रवार बिहान मानिसहरूले उनको हौसला देख्न पाए । बिहान चिकित्सकहरूले उनलाई खतरामुक्त रहेको बताएपछि उनले अग्निपरिक्रमा गरिन् । 

प्रहरीको दाबीअनुसार, घटना गोली चलेका कारण भएको हो । आरोपित युवक वरपक्षबाट बिहेमा आएका थिए । उनले नशामा चुर भएर गोली हानेका थिए । त्यही क्रममा दुलही पूजाको गोडामा गोली लाग्यो । पूजा मण्डावलीमा बस्छिन् । उनको गीता कोलोनीमा बस्ने भारतसँग बिहे भएको हो । 

गोडामा मात्र गोली लाग्नु सौभाग्यको कुरा रह्यो । वरमालापछि मण्डपमा गएर परिक्रमा गर्नुपर्ने दुलहीले अस्पतालमा रात बिताउनुप–यो । 

बिहान चिकित्सकले उनी खतरामुक्त रहेको बताएपछि तत्कालै उनले भारतसँग अग्निपरिक्रमा गरिहालिन् । 

गोली हान्ने व्यक्ति फरार छन् । उसको नाम रिंकु भएको बताइएको छ । 

पीडित पक्षले दिएको बयानमा आरोपित व्यक्ति केही दिनअघि मेहन्दी समारोहमा दुलाहाका तर्फबाट उनको घर आएका थिए । त्यसदिन पनि उनी रक्सीले मातिएर उफ्रिरहेका थिए । 

आरोपितले अवैध हतियारबाट गोली चलाएको आशंका प्रहरीले गरेको छ । उनको खोजी चलिरहेको छ ।

एजेन्सी