प्रधानमन्त्री केपी शर्मा ओलीले नेपालले पाएको सफलतालाई विश्वले पनि नजिकबाट नियाली रहेको बताएका छन् । 

शुक्रबार संसदमा सांसद कृष्णभक्त पोखरलेलले प्रधानमन्त्रीको स्वीट्जरल्याण्ड भ्रमण र कार्यक्रमबारे राखेको प्रश्नको जवाफ दिने क्रममा प्रधानमन्त्रीले नेपालले गरे द्वन्द्व व्यवस्थापन, सफलतालाई विश्वले नजिकबाट हेरिरहेको बताएका हुन् । 

स्वीटजरल्याण्डको डावोसमा हुन लागेको विश्व आर्थिक मञ्चको कार्यक्रममा नेपाल पहिलो पटक सहभागी हुन लागेको र यो नेपालको सफता भएको प्रधानमन्त्री ओलीको दाबी थियो । 
जनवरी २२ देखि २५ सम्म हुने कार्यक्रममा प्रधानमन्त्री ओली त्यसतर्फ जाँदैछन् । 

‘हामीले पाएको सफतामा दुनियाको चासो मात्र होइन, हामीले गरेको द्वन्द्व व्यवस्थापनलाई अत्यन्तै सकारात्कम रुपमा लिएका छन्’ संसदमा जवाफ दिँदै प्रधानमन्त्री ओलीले भने,‘कसैले वास्ता नगर्ने देशको रुपमा अव नेपाल छैन, नेपाल पनि विश्व मानचित्रमा एउटा उल्लेख देशको रुपमा उभिन लागेको छ ।’ 

६ गते साँझ आफू डाबोस तर्फ जान लागेको र १२ गते शनिवार नेपाल फर्कने कार्यक्रम रहेको प्रधानमन्त्रीले संसदलाई जानकारी दिए ।

यो मञ्च  विकास र लगानी जस्ता आर्थिक गतिविधिमा केन्द्रीत हुँदै विश्वको राजनीति र अर्थतन्त्र आदी विषयहरुको सम्बन्धमा चिन्तन मनन गर्ने महत्वपूर्ण संवाद सञ्जालको थलो भएको प्रधानमन्त्रीको भनाइ थियो । यो फोममा कुनै सम्झौता नहुने भएपनि कालान्तरमा नेपालले यसबाट लाभ लिनसक्ने प्रधानमन्त्रीको भनाइ थियो ।