काठमाडौं – माछापुच्छ्रे बैंक लिमिटेडले काठमाडौंस्थित कुलेश्वर शाखा कार्यालयको औपचारिक शुरूवात गरेको छ 

तनहुँस्थित भिमाद र कञ्चनपुरस्थित आईबीआरडी एक्सटेन्सन काउन्टरलाई शाखामा स्तरोन्नती गरी सञ्चालनमा ल्याएको छ ।

बैंकले शुक्रवार काठमाडांै महानगरपालिकास्थित कुलेश्वर शाखा कार्यालयको औपचारिक सुरूवात गरेको छ । शाखाको उद्घाटन बैंकका अध्यक्ष तथा पूर्वसभासद् डा. विरेन्द्रप्रसाद महतोले गरेका छन् ।

नयाँ शाखामार्फत् बैंकले आफ्ना ग्राहकलाई कर्जा, निक्षेप लगायतका सम्पूर्ण बैंकिङ सुविधा उपलब्ध गराएको छ । बैंकको कुलेश्वर शाखामा २४ सैं घण्टा चल्ने एटीएमको पनि व्यवस्था गरिएको छ । यससँगै काठमाडौं उपत्यकाभित्र बैंकको शाखा संख्या १९ पुगेको छ ।   

बैंकले पूर्वमा झापादेखि पश्चिममा कञ्चनपुर साथै हिमालदेखि पहाड र तराई गरी सातै प्रदेशमा आफ्ना ९३ वटा शाखा र ५२ शाखारहित बैंकिङ सेवा समेत गरी १ सय ४५ स्थानबाट ग्राहकमा सम्पूर्ण बैंकिङ सुविधा प्रदान गरिरहेको छ । बैंकको देशभर १ सय १२ वटा एटीएम सञ्चालनमा रहेका छन् ।