पछिल्लोपटक आमिर खानको ‘ठग्स अफ हिन्दुस्तान’ फिल्म रिलिज भएको थियो । फिल्म व्यावसायिक रूपमा असफल भयो । फिल्म फ्लप भएपछि आमिर निकै निराश भएको खबर बाहिरियो । त्यसपछि उनले रणनीति बदलेको बताइएको छ । आमिर अचेल नयाँ प्रोजेक्टमा जुटेका छन् ।

पहिले खबर थियो कि उनी एक हजार करोडमा बन्न लागेको  ‘महाभारत’ नामक फिल्मको काम सुरु गर्दैछन् । तर, अब उनले सोच बदलेका छन् । उनी आफ्नो सुपरहिट फिल्म गजनीको सिक्वेल बनाउने तयारीमा जुटेका छन् ।

फिल्म निर्माताले भर्खरै फिल्मको नाम दर्ता गराएका छन् । रिपोर्टअनुसार फिल्मको नाम तेलुगु र हिन्दी भाषामा समेत दर्ता गरिएको छ । नाम दर्तापछि फिल्मको तयारी भइरहेको बुझिएको हो । तर, आधिरकारिक रूपमा भने यो खबर घोषणा गरिएको छैन ।

गजनी एआर गुरुगदोसले निर्देशन गरेका थिए । सिक्वेल कसले निर्देशन गर्नेछ, त्यो पनि खुलाइएको छैन । फिल्मका लागि आमिरले विशेष प्रकारको शरीर बनाउन अभ्यास सुरु गरिसकेका छन् ।