मंसिर ८, २०८०
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
काठमाडौं – सरकारले राष्ट्रिय चिकित्सा शिक्षा विधेयक पारित गर्ने तयारी गरेको छ ।
मंगलवार अपराह्न बस्ने संसदको बैठकमा विधेयक पारित गर्ने कार्यसूची रहेको संसद सचिवालयले जनाएको छ ।
मंगलवार नै विधेयक पारित गर्ने सरकारको तयारी रहेपनि प्रमुख प्रतिपक्षी दल नेपाली कांग्रेसले दुईवटा बैठक अवरुद्ध गरेका कारण कार्यसूचीमा प्रवेश नगरी बैठक स्थगित भएको थियो । सोमवार राष्ट्रिय सभाका दुईवटा बैठक पनि कांग्रेसले अवरुद्ध पारेको थियो ।
चिकित्सा शिक्षा सुधारको पक्षमा आन्दोलन गर्दै आएका डा. गोविन्द केसीसँग भएको सहमति अनुसार विधेयक पारित गर्नुपर्ने कांग्रेसको भनाइ छ । सभामुख कृष्णबहादुर महराले अरु कार्यसूची हटाएर विधेयक पारित गर्न आग्रह गरेपनि कांग्रेसले अस्वीकार गरेको थियो ।
आफूसँग भएको सहमति विपरीत संसदको शिक्षा तथा स्वास्थ्य समितिले चिकित्सा शिक्षा विधेयक पारित गरेको भन्दै डा. केसी १३ देखि अनशन गरिरहेका छन् । केसीको माग पूरा गर्न संसदमार्फत् दबाब दिने रणनीतिमा कांग्रेस लागेको छ ।
गएको शुक्रवार संसदमा प्रधानमन्त्री केपी ओलीसँगको प्रश्नोत्तर कार्यक्रममा कांग्रेस सांसद एवं समिति सदस्य गगन थापाले केसीसँग भएको सहमति अनुसार विधेयक पारित किन नगर्ने भनेर प्रश्न गरेका थिए ।
जवाफमा प्रधानमन्त्री ओलीले आफूले संसदलाई निर्देशन गर्न नसक्ने बताएका थिए । संसदमा नेकपासँग विधेयक पारित गर्नका लागि पर्याप्त बहुमत छ । तर प्रमुख प्रतिपक्षी दलले सदन अवरोध गरेको खण्डमा विधेयक पारित गर्ने कि नगर्ने भन्नेमा सभामुख अन्योलमा रहेको सचिवालय स्रोतले जनायो ।
यसअघि पुस २२ गते प्रधानमन्त्रीले सदनमा सम्बोधन गरेपछि प्रमुख प्रतिपक्षलाई प्रश्न गर्न नदिएको भन्दै सभामुखको आलोचना भएको थियो । सभामुखको कार्यशैली हुकुमी भएको भन्दै कांग्रेसले आपत्ति जनाएको थियो ।
बहाना एउटा चालबाजी अर्कै
पूर्वसभापति द्वय गिरिजाप्रसाद कोइराला र सुशील कोइरालाको नाम जोडिएका अस्पताल सरकारले खारेज गर्न लागेको भन्दै कांग्रेसले सोमवार संसदको बैठक अवरुद्ध गर्यो । गिरिजाको नाम जोडिएको तनहुँको श्वासप्रश्वास केन्द्र र सुशीलको नाम जोडिएको बाँकेको क्यान्सर अस्पताल केन्द्र सरकार मातहत ल्याउनुपर्ने कांग्रेसको माग छ ।
यस विषयमा कांग्रेसका नेताहरूले प्रधानमन्त्री केपी शर्मा ओलीसँग कुराकानी गरिसकेका छन् । गएको ४ गते संसदमा भएको प्रश्नोत्तर कार्यक्रममा कांग्रेस सांसद डा. मीनेन्द्र रिजालको प्रश्नको जवाफ दिने क्रममा पनि ओलीले प्रष्टीकरण दिएका थिए । यो विषयमा सभामुख महराले सोमवार सरकारलाई रुलिङ पनि गरे ।
‘माननीय सदस्यहरूले राखेको कुरा गम्भीरतापूर्वक लिएको छु, प्रधानमन्त्रीले आफ्नो कुरा राखिसक्नुभएको छ । प्रमुख प्रतिपक्षले आशंका गर्नुपर्ने ठाउँ देख्दिनँ । सरकारको विशेष गम्भीर ध्यानाकर्षण गराउन चाहन्छु । यति भएपछि उचित समयमा सरकारले यहाँहरूले उठाएको विषयको सम्बोधन गर्दछ,’ सोमवार संसदको दोस्रो बैठकमा पनि कांग्रेस सांसदहरू उभिएर विरोध जनाएपछि सभामुख महराले भनेका थिए ।
सभामुख महराले कार्यसूचीमा रहेको अन्तिम विषयबाहेक अन्य कार्यसूची खारेज गर्ने बताएपनि कांग्रेस सांसदहरू मौन बसे । ‘चिकित्सा शिक्षा विधेयक अगाडि बढाउन चाहन्छु, सकेसम्म मेरो आग्रह छ, उपनेता (विजयकुमार गच्छेदार)ले यो विषय सम्बोधन गर्नुपर्ने भन्नुभएकोले, विधेयकको कार्यसूचीमा प्रवेश गरौं, यसलाई स्वीकार गरौं,’ महराले कांग्रेस सांसदलाई आग्रह गरे ।
कांग्रेस सांसदले विरोध कायम राखेपछि सभामुख महराले संसदको बैठक मंगलवार दिउँसो ३ बजेसम्मका लागि स्थगित भयो ।
मुख्यमन्त्रीदेखि पूर्वप्रधानमन्त्रीसम्मको टिप्पणी
चिकित्सा शिक्षा विधेयक पारित गर्ने कार्यसूची रहेको बैठक अवरुद्ध गरेपछि नेकपा स्थायी समितिका सदस्य समेत रहेका प्रदेश ५ का मुख्यमन्त्री शंकर पोखरलेले सामाजिक सञ्जाल फेसबुकमा सन्देश लेख्दै चिकित्सा शिक्षा विधेयक रोक्ने प्रपञ्चका रुपमा उपयोग गरेको आरोप लगाए ।
‘प्रधानमन्त्रीले संसदको रोस्टममा उभिएर नेकांका पूर्वसभापतिका नाममा रहेका अस्पतालका सन्दर्भमा सुस्पष्ट योजनासहित अघि बढाउने बताएपनि नेपाली कांग्रेसले त्यसकै बहानामा संसद नै अवरुद्ध गरेछ । श्रोत र कार्ययोजना विनाको नाम मात्रको अस्पताललाई व्यवस्थित गर्ने प्रमको योजना के बेठीक हो र ? होइन । तर नेकांले यसलाई नांगो रुपमा चिकित्सा शिक्षा विधेयक रोक्ने प्रपञ्चका रुपमा उपयोग गर्यो । नेकांको यस्तो भद्दा नाटकले संसदीय सर्वोच्चताको हिमायती हौ भन्ने प्रजातन्त्रवादीहरूको लाज छोपिएला र ?’ पोखरेलले लेखेका छन् ।
पूर्वप्रधानमन्त्री एवं नयाँशक्ति पार्टीका संयोजक डा. बाबुराम भट्टराईले पनि सदनमा कांग्रेस एमालेको क्रियाकलापले २०५२ साल अगाडिको झल्को आएको टिप्पणी गरेका छन् ।
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...