काठमाडौं — भारतको मध्य प्रदेशमा रहेको कान्हा राष्ट्रिय आरक्षमा एक युवा नर बाघले बघिनीको शिकार गरेको छ । 

मारिएकी बघिनीका केही हाड र पञ्जा बरामद गरिएको छ । कान्हा रिजर्भका फील्ड डाइरेक्टर एल कृष्णामूर्तिका अनुसार, दुई बाघबीच इलाकामा प्रभुत्व कायम गर्नका लागि झगडा भएको हो । शिकारको कमी नभएको आरक्षमा बाघले बघिनीको शिकार गरेको पहिलो अवसर हो । 

हात्तीमा चढेर जंगल घुमिरहेका सुरक्षा प्रहरीहरूले बघिनीको अवशेष फेला पारेका हुन् । उनीहरूले यस विषयको सूचना उच्च अधिकारीलाई दिए । 

यसअघि डमरुहरूलाई बाघले खाएको घटना सार्वजनिक हुने गर्थे । तर दुई वयस्क बाघ लडेर मारेको घटना कमै सुनिने गर्छ । बाघले बघिनीलाई भोक लागेको भएर खाएको नभई युद्धलाई पूरै सकेको प्रतीकका रूपमा खाइदिएको एक वन्य अधिकारीले बताए । 

कान्हा रिजर्भमा प्रशस्त बाघहरू छन् । बाघको संख्या धेरै भएको रिजर्भमा बाघहरू कि त इलाका कायम गर्ने लडाईंमा मारिन्छन् कि त जन्मस्थानभन्दा २०० किलोमिटर पर गएर अप्राकृतिक मृत्युवरण गर्छन् । 

बाघको स्याहार र उनीहरूको इलाकाको बाँडफाँडका विषयमा वन्य अधिकारीहरू बढी सजग हुनु आवश्यक देखिन्छ । 

मध्य प्रदेशलाई सन् १९९५ टाइगर स्टेट घोषित गरिएको थियो । त्यहाँ भारतभरिका बाघको कुल संख्याको २० प्रतिशत बाघ छन् । तर बाघहरू यसरी मर्नु खतराको संकेत हो । 

एजेन्सी