काठमाडौं – प्रमुख प्रतिपक्षी दल नेपाली कांग्रेसको विरोधका कारण संसद्‍मा हंगामा भएको छ । कांग्रेस सांसद् प्रकाशमान सिंह बोलेलगत्तै कांग्रेस सांसदहरू बेल घेराउ गर्न पुगेका छन् ।

सभामुख कृष्णबहादुर महराले संसद्को बाँकी कारवाही अगाडि बढाउने घोषणा गरेका छन् तर कांग्रेस सांसदहरूले नाराबाजी गरिरहेका छन् ।

‘माननीय सदस्यहरू बेलमा आउनुपर्ने अवस्था भएको छैन । माननीय सदस्यहरूले उठाउनुभएको विषयमा हिजो नै सरकारको विशेष ध्यानाकर्षण गराइसकेको छु । माननीय सदस्यहरू म सदनको कारवाही अगाडि बढाउन चाहन्छु,’ सभामुख महराले भने ।

बैठकमा शिक्षामन्त्री गिरिराजमणि पोखरेलले चिकित्सा शिक्षा विधेयक पारित गरियोस् भन्ने प्रस्ताव पेश गर्ने कार्यसूची छ ।