×

NMB BANK
NIC ASIA

अग्रलेख

संक्रमणकालमा न्यायको अपेक्षा

माघ २०, २०७५

NTC
Sarbottam
Premier Steels
Marvel

‘संक्रमणकालीन न्याय’ बरोबर चर्चामा आउनुको कारण माओवादी विद्रोह ( २०५२-६३ ) का दशवर्षमा मारिएका, बेपत्ता पारिएका परिवारजनका पीडालाई घटाउने/हटाउने काम सम्पन्न हुन नसक्नु नै हो । सत्य निरूपण र बेपत्ता व्यक्ति छानबीनका लागि २०७१ माघमा गठन भएका दुबै आयोगले चारवर्षको अवधिमा ठोस कार्य गर्न सकेनन् । ६० हजारभन्दा बढी उजुरीहरू परेकोमा अधिकांश मामिलाको छानबीनले प्रारम्भिक चरण पार गर्न नसकेको बुझिन्छ । राष्ट्रिय मानव अधिकार आयोगको सभाकक्षमा शुक्रवार दुबै आयोगका वरिष्ठ अधिकृतहरूको निराशाजनक अभिव्यक्ति ‘तस्बिर आफैं बोल्छ’ शैलीमा आएको छ।

Sagarmatha Cement
Muktinath Bank

राष्ट्रिय मानव अधिकार आयोगका अध्यक्ष अनुपराज शर्माको पहलमा यसबारे सरोकारवालाहरू बीच गराइएको शुक्रवारको छलफलमा कानून तथा न्यायमन्त्री र महान्यायाधिवक्ताका मन्तव्यले संक्रमणकालीन न्यायको विषय टुङ्गो लगाउने सरकारी प्रतिबध्दताको पुष्टि गरेको छ । चर्चामा रहेका विधेयकको सन्दर्भ पनि सम्भवत: यही नै हो । यस सम्बन्धी कामलाई यसबारे विगतमा सर्वोच्च अदालतबाट भएका फैसला र आदेशहरूले पनि मार्गदर्शन गर्ने अपेक्षा छ । सत्य निरूपण तथा मेलमिलाप आयोग र बेपत्ता छानबीनका वर्तमान आयोगको कार्यकाल यसै साता सकिन लागेको परिप्रेक्ष्यमा सरकारी सकृयता स्वाभाविक देखिन्छ । जनशक्ति र बजेटको साथै आवश्यक कानूनी आधार बन्न नसकेको हुँदा कार्यप्रगति राम्रो नभएको आयोगका पदाधिकारीहरूको भनाइलाई ध्यानमा राखी वर्तमान सरकारले यथोचित व्यवस्था गर्ने आशा गर्न सकिन्छ । र, यसरी संक्रमणकालीन न्यायसम्बन्धी माग जति सकेको चाँडो सम्बोधन पनि हुन सक्ला ।


Advertisment
RMC TANSEN
IME BANK INNEWS
shivam ISLAND

जनस्तरमा यस्तो अपेक्षा छ । तर यतिञ्जेलको ढिलाइ र उतिबेलाको विद्रोहीपक्ष अहिले सत्ताधारी भएर बसेको बेला हुनाले ओहोदाधारीहरूका मीठा भाषण र उद्‌घोषण अनुरूप काम अघि बढ्ला भनेर ढुक्क हुन सक्ने स्थिति छैन । उतिखेर माओवादी विद्रोहीबाट मारिएका सशस्त्र प्रहरी प्रमुख कृष्णमोहन श्रेष्ठको सालिक अगाडि उभिएर साविकका माओवादी कमाण्डर र हालका मन्त्री रामबहादुर थापाले सलाम गरेको घटनाले स्थिति मेलमिलापको चरणमा पुगिसकेको सन्देश दिन्छ भन्ने पनि तर्क छ । किन्तु आफ्ना प्रियजन गुमाएका परिवारलाई यस्ता दृष्टान्तले मात्र चित्त बुझाउन गाह्रो छ । सत्य निरूपण भएर अभिलेखमा आइसकेपछि पीडितपक्षले सहज र लचिलो मानसिकता बनाउन सक्छ; त्यसको लागि उचित वातावरण एवं अवसर चाहिन्छ ।    


Advertisment
SBL

संक्रमणकालीन न्याय निर्णायक चरणमा नपुगेको अनुभव यस प्रकृयामा शुरूदेखि संलग्न राष्ट्रसंघीय र अन्य विदेशी गैरसरकारी संस्थाहरूको तर्फबाट हालै संयुक्त वक्तव्य प्रकाशित गरेको कारणले मात्र पनि भएको होइन । मूलत: संविधान र निर्वाचन समेतका प्रकृया सकिएपछि पनि नेपालको राजनीतिक धरातल संक्रमणकालबाट बाहिर आउन सकेको छैन । यो नाङ्गो यथार्थ हो । विद्रोह वा आन्दोलनमा माओवादी कम्युनिष्टको आन्दोलनले पूर्णविराम लगाइसकेको ठान्नु गलत हुनेछ । किनभने विद्रोह गर्ने जनताको अधिकारको ढोका सदा खुला रहन्छ । र, नेपालको वर्तमान अवस्था तरल रहेको-भएकोमा सन्देह छैन । गणतन्त्र, धर्मनिरपेक्षता र संघीयता नेपालका उपलब्धि हुन् भन्ने सत्ताधारी दलको सोच देखिन्छ । तर यस्तो मान्यता आम-अवधारणा हो भन्नु परिपक्व हुँदैन । भारत र चीन बीचमा रहेको सानो देशका सामु परस्पर प्रतिस्पर्ध्दी शक्तिको चेपुवामा नपरिकन आफ्नो अस्तित्व जोगाउनु पर्ने ठूलो चुनौति छ । यस्तो पृष्ठभूमिमा, माओवादी अगुवा भएर गराइएको विद्रोहलाई नै अन्तिम राजनीतिक आन्दोलन ठानेर अहिलेको अव्यवस्था नै व्यवस्थाको रूपमा विकसित हुने अनुमान गर्नु व्यावहारिक निष्कर्ष नहोला । अर्को शब्दमा, संक्रमणकाल अर्को चरणमा प्रवेश गरेको छ ।

Vianet communication
Laxmi Bank
hAMROPATRO BELOW NEWS
TATA Below
माघ २५, २०८०

काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...

भदौ २४, २०८०

संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...

साउन १, २०८०

लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ ।  स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...

फागुन २१, २०७९

कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...

कात्तिक १९, २०८०

जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्‍यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...

असार ४, २०८०

वर्षायाम शुरू नहुँदै असार २ गते शनिवार मध्यरातमा आएको बाढीका कारण पूर्वी पहाडी जिल्लामा धनजनको ठूलो क्षति पुगेको छ । ताप्लेजुङ, पाँचथर र संखुवासभा जिल्ला बाढीका कारण बढी प्रभावित भएका छन् । मध्यरातमा आ...

स्वधर्मको अनुयायी कसरी बन्ने ?

स्वधर्मको अनुयायी कसरी बन्ने ?

चैत ३, २०८०

स्वधर्म भन्ने शब्द हामीमध्ये धेरैले सुन्ने गरेका छौँ । स्वधर्मको आदि शिक्षक, प्रचारक वा आचार्य भगवान् कृष्ण हुन् । उनले सर्वप्रथम अर्जुृनलाई यसको शिक्षा दिएका थिए कुरुक्षेत्रको युद्ध मैदानमा । यसका आधुनिक व्याख्याता भने ...

जनयुद्धको ‘माओवादी ह्याङओभर’ र नारायणकाजी

जनयुद्धको ‘माओवादी ह्याङओभर’ र नारायणकाजी

चैत १, २०८०

गठबन्धनको नयाँ समीकरणसँगै पुनर्गठित मन्त्रिपरिषद्मा नेकपा (माओवादी केन्द्र)का तीन मन्त्री दोहोरिए । पार्टी नेतृत्वको निर्णयप्रति केही युवा सांसदले आक्रोश व्यक्त गरे । माओवादी पार्टी एउटा भए पनि सहायक गुट धेरै छन्...

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

x