पवित्र बन्धन टीभी सिरियलमा काम गर्ने अभिनेत्रीले गरिन् आत्महत्या

माघ २४, २०७५

काठमाडौं — तेलुगु टीभी अभिनेत्री नागा झाँसीले बुधवार आफ्नै घरमा झुण्डेर आत्महत्या गरेकी छन् । उनको लाश पंखामा झुण्डिएको अवस्थामा फेला परेको थियो । 

घटना हुँदा उनी घरमा एक्लै थिइन् । 


ADVERTISEMENT

उनी केही समययता डिप्रेसनको शिकार भएको बताइएको छ । प्रहरीले घटनाको अनुसन्धान गरिरहेको छ । 

हैदराबादको श्रीनगर कोलोनीमा यो घटना भएको हो । त्यहाँको एक अपार्टमेन्टको फ्ल्याटमा २१ वर्षीया अभिनेत्री नागाले आत्महत्या गरेकी हुन् । 

उनका भाइ दुर्गाप्रसादले कोठाको ढोका लामो समयसम्म ढकढक्याउँदा पनि उनले जवाफ नदिएपछि छिमेकीहरूलाई बोलाएका थिए । 

छिमेकीहरू आएपछि ढोका फोरियो । भित्र हेर्दा नागाले फाँसी लगाएर झुण्डिरहेको देखियो । त्यतिखेरसम्म उनको मृत्यु भइसकेको थियो । 

प्रहरीले कोठामा छानबिन गर्दा सुसाइड नोट भेटेन । 

नागा आन्ध्र प्रदेशको कृष्णा जिल्लामा बस्थिन् । उनले पवित्र बन्धन लगायत विभिन्न सिरियलमा काम गरेकी थिइन् । 

उनले केही महिनादेखि अमीरपेट इलाकामा एक ब्युटी पार्लर चलाइरहेकी थिइन् । उनका नातेदारहरूले बताएअनुसार, उनी एक युवकसँग प्रेम गर्थिन् जो उनको टाढाको नातेदार हो । 

प्रेममा असफल भएका कारण उनले आत्महत्या गरेको हुन सक्ने अनुमान गरिएको छ । 

प्रहरीले नागाको मोबाइल फोन बरामद गरेर कल डिटेल र च्याट रेकर्ड जाँच गरिरहेको छ । पोस्टमोर्टमपछि शव परिवारलाई दिइएको छ ।

एजेन्सी
 

माघ २४, २०७५ मा प्रकाशित

प्रतिक्रिया दिनुहोस