भदौ ७, २०८०
काठमाडौं — पसलहरूतिर अनि गाडीमा पनि कागती र खुर्सानीलाई धागोमा उनेर झुण्ड्याएको देख्न पाइन्छ । खराब मान्छेको आँखा नलागोस् भन्नका लागि यसरी कागती झुण्ड्याउने गरेको बताइन्छ । हुन त यसलाई अन्धविश्वास भनेर...
काठमाडौं — एक भारतीय पुरुषले आफ्नो सहमतिबेगर आफूलाई जन्माएकोमा मातापिताविरुद्ध मुद्दा हाल्ने योजना बनाएका छन् ।
मुम्बईमा बस्ने व्यापारी रफाएल स्यामुएलले बीबीसीलाई बताएअनुसार, शिशुलाई यस संसारमा ल्याउनु गलत भएको किनकि जन्मेपछि जिन्दगीभरि समस्या भोग्नुपर्छ ।
तर हामी जन्मनुअघि हाम्रो सहमति खोज्न सम्भव नरहेको स्यामुएललाई थाहा छ तर जन्मने आफूहरूको निर्णय नभएकोमा उनी अडिएका छन् ।
आफूहरूले जन्माउनु नभने पनि जन्मिएपछि बाँच्नका लागि जिन्दगीभरि मूल्य चुकाउनुपरेको उनको तर्क छ ।
स्यामुएलको यो धारणालाई एन्टी नेटलिजम भनिन्छ । यो दर्शनअनुसार, जीवनमा धेरै दुःखपीडा हुनाले मानिसहरूले बच्चा जन्माउने काम तत्कालै रोक्नुपर्छ ।
यसो गर्दा पृथ्वीबाट मानवजाति क्रमशः हराउँदै जाने र यसले गर्दा ग्रहलाई झन् राम्रो हुने उनले बताए ।
‘मानवजातिको कुनै अर्थ छैन । धेरै मानिसले दुःख पाइरहेका छन् । मानवजाति लोप भएमा पृथ्वी र जनावरहरू झन् खुशी हुन्छन् । अनि कुनै मानवले पनि दुःख पाउनु पर्दैन । मानवको अस्तित्व पूरै अर्थहीन छ ।’
एक वर्षअघि उनले फेसबूक पेज निहिलानन्द बनाएका थिए । त्यसमा उनले ठूलो नक्कली दाह्री, आँखाको मास्क र एन्टी नेटलिस्ट सन्देशहरू सहितको तस्वीर राख्ने गरेका छन् । एउटा सन्देश यस्तो छ, ‘तपाईंका आमाबुवाले खेलौना वा कुकुरको साटो तपाईंलाई ल्याए । तपाईं उनीहरूप्रति ऋणी हुनुहुन्न, तपाईं उनीहरूका लागि मनोरञ्जन मात्र हुनुहुन्छ ।’
यससम्बन्धी विचार उनको मस्तिष्कमा बढ्दै गएपछि उनले आफ्ना मातापितालाई यसबारे बताउने निर्णय गरे ।
स्यामुएलले आफ्ना मातापितासँग प्रेमिल सम्बन्ध रहेको बताए । दुवैजना वकिल हुन् । आमाले यो विचारप्रति सकारात्मक प्रतिक्रिया दिएको र बुवा पनि यसप्रति क्रमशः सकारात्मक हुँदै गएको उनले बताए ।
यो संसार मानवजाति नहुँदा झन् राम्रो हुन्छ भन्ने आफ्नो विश्वासका कारण मात्र मातापिताविरुद्ध अदालतमा मुद्दा हाल्ने निर्णय लिएको उनी बताउँछन् ।
त्यसैले ६ महिनाअघि उनले बिहानको खाना खाँदै गर्दा आमालाई तपाईंविरुद्ध मुद्दा हाल्छु भने । ‘उहाँले ल ठीक छ, तर म अदालतमा नरम हुन्छु भन्ने अपेक्षा नराख भन्नुभयो । म अदालतमा तिमीलाई ध्वस्त पार्छु भन्नुभयो ।’
स्यामुएलले आफ्नो मुद्दा लिने वकिल खोजिरहेका छन् तर अहिलेसम्म सफलता हात पारेका छैनन् ।
उनको फेसबूक पोस्टले धेरै प्रतिक्रिया निम्त्याएको छ । तीमध्ये केही सकारात्मक र धेरै नकारात्मक छन् । कसैले त उनलाई ‘जा, गएर मर्’ समेत भने ।
उनका आलोचकहरूले यो सब प्रचारका लागि गरिएको भन्ने गरेका छन् ।
‘मैले प्रचारका लागि यसो गरेको हैन,’ उनी भन्छन्, ‘तर म यो विचारलाई सार्वजनिक गर्न चाहन्छु । मेरो विचार सरल छ, बच्चा नजन्माएकै ठीक हो ।’
जन्मिनुपर्दा दुःखी हुनुहुन्छ भन्ने प्रश्नमा उनले भने, ‘म नजन्मिएको भए हुन्थ्यो । तर म जीवनदेखि दुःखी छैन । मेरो जिन्दगी गजबको छ तर म यहाँ रहन चाहन्नँ । यो कस्तो कुरा हो भने एउटा राम्रो कोठा छ तर म त्यो कोठामा बस्न चाहन्नँ,’ उनी व्याख्या गर्छन् ।
बीबीसीबाट
काठमाडौं — पसलहरूतिर अनि गाडीमा पनि कागती र खुर्सानीलाई धागोमा उनेर झुण्ड्याएको देख्न पाइन्छ । खराब मान्छेको आँखा नलागोस् भन्नका लागि यसरी कागती झुण्ड्याउने गरेको बताइन्छ । हुन त यसलाई अन्धविश्वास भनेर...
कहिलेकाहीँ हाम्रो आँखा अचानक फर्फराउन थाल्छ । अनि हाम्रो देशमा आँखा फर्फराउनुलाई शुभ अशुभ फलसँग जोडेर हेर्ने गरिन्छ । दाहिने आँखा फर्फराउँदा शुभ हुने अनि देब्रे फर्फराउँदा अशुभ हुने विश्वास गरिन्छ । तर यो...
चीनका झाङ जिलोङ नामका युवा सामान्य जीवन बिताइरहेका थिए । साधारण फ्ल्याटमा बस्थे । उनले भर्खरै स्नातक गरेका थिए। स्नातक गरेपछि घरपरिवारको ऋण चुक्ता गर्न बिस्तारै सहयोग गर्न सकियोस् भनेर जागिर गर्ने सोचमा थिए । ...
विश्वका प्राय: मुलुकमा लिखित संविधान छ। ती देशमा लिखित संविधानकै आधारमा शासन चल्छ। तीमध्येको नेपाल पनि एउटा हो। नेपालले पछिल्लो पटक ०७२ मा नयाँ संविधान जारी ग-यो। तर, तपाईँलाई थाहा नहुन सक्छ विश्व...
साइकलको पांग्रा गोलो हुने गरेको सबैलाई थाहा छ । तर चौकोर पांग्रा भएको साइकल पनि बनेको छ । यसको पांग्रामा ट्यांकको जस्तो ट्य्राक जडान गरिएको छ । साइकल हाँक्ने व्यक्तिले पाइडल मार्दा ट्य्राक सम्प...
चुम्बनको सबैभन्दा पुरानो रेकर्ड चार हजार ५०० वर्ष पुरानो भएको अनुसन्धानकर्ताहरुले बताएका छन् । यसै साता ‘साइन्स’ पत्रिकामा प्रकाशित नयाँ अध्ययनले प्राचीनकालमासमेत यो व्यापक रहेको देखिएको बताएको छ...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...
दाम्पत्य जीवनको मूलभूत आधार भनेको विवाह संस्कार हो । यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...