कर्णालीका 'धनी मन्त्री'लाई एक हजारको लोभ, सरकारको निर्णय उल्लंघन गर्दै बुझे भत्ता

माघ २७, २०७५

काठमाडौं -औपचारिक कार्यक्रममा सहभागी भएबापत भत्ता नबुझ्ने कर्णाली प्रदेश सरकारको निर्णय मन्त्री आफैंले उल्लंघन गरेका छन् ।

भौतिक पूर्वाधार मन्त्री खड्क खत्रीले वीरेन्द्रनगरमा आइतवार आयोजित सिँचाइ गुरुयोजना मस्यौदासम्बन्धी प्रादेशिक परामर्श गोष्टीमा सहभागी भएबापत एक हजार रूपैयाँ भत्ता बुझेका हुन् ।


ADVERTISEMENT

त्यसो त खत्री कर्णाली प्रदेशका सबैभन्दा धनी मन्त्री समेत हुन् । मन्त्रीहरूद्वारा सार्वजनिक सम्पत्ति विवरणमा उनको सम्पत्ति सबैभन्दा धेरै थियो ।

यद्यपि सोही कार्यक्रममा सहभागी आर्थिक मामिला तथा योजना मन्त्री प्रकाश ज्वालाले भने भत्ता बुझेनन् ।

कार्यक्रममा सहभागी प्रदेश सभाका सदस्यहरू, गाउँपालिका तथा नगरपालिकाका जनप्रतिनिधि, प्रदेशका कर्मचारी सबैले एक हजारका दरले भत्ता बुझेका थिए ।

यसअघि प्रदेश मन्त्रिपरिषद्ले कसैबाट भत्ता नलिने र लिन पनि नदिने निर्णय गरेको थियो ।

माघ २७, २०७५ मा प्रकाशित

शेरबहादुर थापा

थापा लोकान्तरकालागि कर्णाली प्रदेशका प्रतिनिधि हुन् ।

लेखकबाट थप...

प्रतिक्रिया दिनुहोस