काठमाडौं – एनआईसी एशिया बैंक लिमिटेडले स्वदेशमा आन्तरिक विप्रेषण कारोबार गर्ने ग्राहकलाई उच्चतम् सेवा दिने अभिप्रायले एनआईसी एशिया रेमिटमार्फत् एउटा विप्रेषण कारोबार गर्दा अर्को विप्रेषण कारोबार निःशुल्क प्रदान गर्ने आर्कषक योजना सार्वजनिक गरेको छ ।

बैंकले २०७५ फागुण र चैत्र गरी २ महिनाका लागि योजना ल्याएको छ ।

बैंकको ग्राहक तथा कुनै पनि व्यक्तिले एनआईसी एशिया रेमिटमार्फत् नेपालभर कुनै पनि ठाउँमा आन्तरिक विप्रेषण कारोबार गर्दा सुविधा प्राप्त गर्न सक्नेछन् । 

एनआईसी एशिया रेमिटमार्फत् स्वदेशमा आन्तरिक विप्रेषण कारोबार गर्दा न्यून शुल्क लाग्ने अवस्थामा योजनाले आन्तरिक विप्रेषण कारोबार गर्ने ग्राहकहरू अझ बढी लाभान्वित हुने विश्वास बैंकले लिएको छ ।

एनआईसी एशिया रेमिटमार्फत् पठाएको आन्तरिक विप्रेषणको रकम बैंकको मुलुकभर फैलिएको २७६ शाखा कार्यालय, ३९ वटा एक्सटेन्सन काउन्टर, २३ वटा शाखारहित बैंकिङ ईकाई एवं ६ हजार ७ सयभन्दा बढी सहायक प्रतिनिधिमार्फत् सरल र सुलभ रुपमा भुक्तानी पाउन सकिने छ । सुविधाबाट ग्राहकले पैसा पठाउँदा उच्चतम् लाभान्वित हुने र झन्झटरहित तरिकाबाट पैसा पठाउन र निकाल्न सकिने बैंकले जानकारी गराएको छ ।

बैंकलाई आमजनमानसले गरेको प्रगाढ विश्वास, अगाध स्नेह र बैंक प्रतिको भरोसाले गर्दा मुलुकभर २७६ शाखा कार्यालय, २८९ एटीएम, ३९ वटा एक्सटेन्सन काउन्टर एवं २३ वटा शाखारहित बैंकिङ ईकाईमार्फत् बैंकिङ सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल भएको छ । 

बैंकको वासलातको आकार २१९ अर्बभन्दा बढी पुगेको छ भने निक्षेप करीब १७६ अर्ब तथा कुल कर्जा करीब १४९ अर्ब पुगि निजी क्षेत्रबाट स्थापित बैंकहरूमध्ये नेपालको सबैभन्दा ठूलो बैंकको रुपमा आफ्नो पहिचान बनाउन सफल भइसकेको छ । हालसम्म बैंकमा ग्राहकको संख्या करीब १४ लाख ५० हजार रहेको छ ।

संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई बैंकले पालना गर्दै आएको छ । यस किसिमको योजना बैंकले निकट भविष्यमा पनि ल्याइराख्ने छ ।