काठमाडौं – कञ्चनपुरको पुनर्वासबाट प्रहरीले १८ किलो सुन बरामद गरेको छ ।

केन्द्रीय अनुसन्धान ब्यूरो (सीआईबी), महानगरीय प्रहरी अपराध महाशाखा, जिल्ला प्रहरी कार्यालय कैलाली तथा इप्रका त्रिभुवन बस्तीबाट खटिएको संयुक्त टोलीले उक्त परिमाणमा सुन बरामद गरेको हो ।

सीआईबीका एसपी सुदीप गिरी नेतृत्वको टोलीमा जिल्ला प्रहरी कार्यालय कैलालीका एसपी आभूषण तिमिल्सिना, महानगरीय प्रहरी अपराध अनुसन्धान महाशाखा काठमाडौंका डीएसपी रुगम कुँवर लगायत थिए ।

सुनसँगै प्रहरीले एक जनालाई पक्राउ समेत गरेको छ । पक्राउ परेका व्यक्तिको पहिचान खुलाइएको छैन ।