भेनेजुयलामा अहिले राजनीतिक शक्तिसंघर्ष चुलिएको छ । राष्ट्रपति निकोलन मदुरोले अर्थतन्त्र ध्वस्त बनाएको विपक्षीले अरोप लगाउँदै आएका छन् । 
विपक्षीहरुले यस्तो आरोप लगाइरहेको बेला वर्तमान राष्ट्रपति मदुरो र पूर्वराष्ट्रपति ह्युगो चाभेजका सन्तानले विलासपूर्ण जीवनशैली अपनाएको पाइन्छ । 
तत्कालीन समाजवादी नेता ह्युगो चाभेजकी जेठी छोरी मारिया ग्राबेला भेनेजुयलाकै सर्वाधिक धनी महिला हुन् । 
उनको चारअर्ब भन्दा बढी रकम युरोपका विभिन्न बैंकमा रहेको बताइन्छ । ग्राबेलकी बहिनी रोशिन चाभेज पनि भेनेजुयलामा कुनै बेला फजुल खर्चकी पर्याय बनेकी थिइन् । 

चाभेजका उत्तराधिकारी तथा वर्तमान राष्ट्रपति मदुरोको जीवनशैली झन् खर्चालु छ । यस्तै मदुरोका सौतेला छोरा योसवी फोर्लस र वाल्टर फोर्लसले गतवर्ष पेरिसको एउटा होटलमा १८ दिन बस्दा ४५ हजार डलर उडाएका थिए । एजेन्सीलाई उदृत गर्दै आजको नयाँ पत्रिका दैनिकले पृष्ठ १० मा यो खबर लेखेको छ ।