नयाँदिल्ली– वाराणासीलेखि नयाँदिल्लीका लागि छुटेको ‘बन्दे भारत एक्सप्रेस’ रेल बिग्रिएको छ । रेल १८० किलोमिटर प्रतिघण्टामा गुडी रहेका बेला बिग्रिएको हो ।  भारतीय प्रधानमन्त्री नरेन्द्र मोदीले उद्घाटन गरेको उच्च गतिको उक्त रेल दोस्रो दिनमै बिग्रिएको हो ।

रेलको पछाडीका डिब्बामा ब्रेकमा समस्या आएको भारतीय सञ्चारमाध्यमले जनाएका छन् ।  ब्रेक जाम भएर रोकिए पछि डिब्बाबाट धुँवा निस्किएको थियो भने बत्ती समेत बन्द भएको थियो । 

रेलको शुक्रबार भारतीय प्रधानमन्त्रीले उद्घाटन गरेका हुन् । द्रुतगतिको रेल सञ्चालनपछि वाराणासीदेखि नयाँदिल्लीको दूरी ६ घण्टा घट्ने जनाइएको छ । अधिकारीहरुका अनुसार आइतबार दिल्लीदेखि वाराणासीका लागि रेलका सबै टिकट बुक भएका छन् ।