चैत २७, २०८०
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
काठमाडौं –प्रधानमन्त्री केपी शर्मा ओलीले गत बिहीवार देशवासीका नाममा सम्बोधन गर्दा उत्पादनमूलक क्षेत्रमा लगानी बढेको बताए । उनले उत्पादनमूलक क्षेत्रमा बैंक तथा वित्तीय संस्थाको लगानी बढेको बताए ।
उनले सम्बोधनको क्रममा उद्योग दर्ताको संख्या बढेको र उत्पादनमूलक उद्योगमा बैंक तथा वित्तीय संस्थाको लगानी बढेको बताएपनि समग्रमा औद्योगिक क्षेत्रमा लगानी घटेको छ ।
‘कम्पनी दर्ताको संख्या २६ दशमलव ७ प्रतिशतले वृद्धि भएको छ । उद्योगको क्षमता वृद्धि भएको छ । औद्योगिक उत्पादनको क्षेत्रमा बैंक तथा वित्तीय संस्थाहरूको लगानी २८ दशमलव ३ प्रतिशतले बढेको छ । औद्योगिक गतिविधिमा विस्तार भएको छ,’ प्रधानमन्त्री ओलीले सम्बोधनका क्रममा भनेका थिए ।
उद्योग विभागका अनुसार उत्पादनमूलक क्षेत्रका उद्योगमा चालू आर्थिक वर्षमा लगानी घटेको छ ।
गत आर्थिक वर्षमा उत्पादनमूलक क्षेत्रका उद्योगमा कुल ४८ अर्ब ७६ करोड ७७ लाख ७० हजार रुपैयाँ बराबर पूँजी लगानी भएकोमा चालू आर्थिक वर्षमा सो लगानी घटेको छ ।
चालू आर्थिक वर्षको सोही अवधिमा ३० अर्ब ८४ करोड ७५ लाख १ हजार रुपैयाँ जम्मा पूँजीका उत्पादनमूलक उद्योग दर्ता भएको विभागको तथ्याङ्क छ ।
गत आर्थिक वर्षको तुलनामा चालू आर्थिक वर्षमा समग्रमा औद्योगिक क्षेत्रको लगानी घटेको छ । गत आर्थिक वर्षको साउनदेखि पुस मसान्त र चालू आर्थिक वर्षको सोही अवधिमा औद्योगिक क्षेत्रको समग्र लगानी २९ दशमलव ६७ प्रतिशतले घटेको छ ।
चालू आर्थिक वर्षको साउनदेखि पुससम्ममा कुल १ खर्ब १५ अर्ब २५ करोड ४७ लाख १० हजार रुपैयाँ बराबर पूँजीका उद्योग दर्ता भएका छन् । सो अवधिमा कुल २ सय ६८ उद्योग दर्ता भएको उद्योग विभागको तथ्याङ्क छ । गत आर्थिक वर्षको सो अवधिमा कुल २ सय ३५ उद्योग दर्ता भएका थिए । ओलीले सम्बोधनमा भनेजस्तो उद्योगको संख्यामा वृद्धि भएपनि पूँजीगत रूपमा लगानी भने घटेको छ ।
गत आर्थिक वर्षको साउनदेखि पुस मसान्तसम्ममा कुल १ खर्ब ६३ अर्ब ८६ करोड ३२ लाख ७० हजार रुपैयाँ पूँजी बराबरका उद्योग दर्ता भएका थिए ।
यी क्षेत्रमा कम लगानी
तुलना अवधिमा ऊर्जा क्षेत्रमा लगानी घटेको तथ्याङ्कले देखाएको छ । गत आर्थिक वर्षमा कुल ९७ अर्ब ८९ करोड १५ लाख ८० हजार रुपैयाँ बराबर पूँजी भएका ऊर्जामूलक उद्योग विभागमा दर्ता भएका थिए । चालू आर्थिक वर्षको सोही अवधिमा ७० अर्ब ७८ करोड २० हजार रुपैयाँ बराबर पूँजीका ऊर्जामूलक उद्योग दर्ता भएका छन् ।
चालू आर्थिक वर्षमा निर्माण क्षेत्रमा समेत लगानी घटेको छ । निर्माण क्षेत्रमा कुल १ अर्ब २ करोड ४० लाख ३० हजार रुपैयाँ बराबर पूँजी भएका उद्योग दर्ता भएका छन् ।
गत आर्थिक वर्षको सोही अवधिमा निर्माण क्षेत्रका ४ अर्ब १ करोड १ लाख रुपैयाँ बराबर लगानीका उद्योग दर्ता भएका थिए ।
त्यस्तै चालू आर्थिक वर्षको सो अवधिमा पर्यटन क्षेत्रमा समेत लगानी घटेको छ । चालू आर्थिक वर्षको पुस मसान्तसम्म पर्यटन क्षेत्रमा ६ अर्ब ५५ करोड १३ लाख ६० हजार रुपैयाँ बराबरको लगानीका उद्योग दर्ता भएका छन् ।
गत आर्थिक वर्षको सोही अवधिमा १० अर्ब ४२ करोड ५३ लाख रुपैयाँ सो क्षेत्रमा लगानी भएको थियो ।
तुलनात्मक रूपमा लगानी बढेका क्षेत्र
चालू आर्थिक वर्षमा कृषि क्षेत्रमा लगानी बढेको देखिन्छ । गत आर्थिक वर्षमा ३२ करोड ३७ लाख रुपैयाँ बराबर पूँजीका कृषि क्षेत्रका उद्योग उद्योग विभागमा दर्ता भएका थिए । चालू आर्थिक वर्षको सोही अवधिमा कृषि क्षेत्रमा कुल १ अर्ब ३६ करोड ८३ लाख रुपैयाँ पूँजीका क्षेत्रका उद्योग दर्ता भएका विभागको तथ्याङ्क छ ।
त्यसैगरी चालू आर्थिक वर्षमा सेवा क्षेत्रमा भएको लगानी बढेको छ । चालू आर्थिक वर्षमा सो क्षेत्रमा ४ अर्ब ३० करोड ७५ लाख ८० हजार रुपैयाँ लगानी भएको छ ।
गत आर्थिक वर्षमा २ अर्ब ४ करोड ९ लाख रुपैयाँ बराबरको लगानी भएको थियो ।
त्यस्तै सूचना, प्रशारण तथा सञ्चार प्रविधि क्षेत्रमा चालू आर्थिक वर्षमा लगानी सामान्य बढेको छ ।
सो क्षेत्रमा गत आर्थिक वर्षमा ३७ करोड ३० लाख रुपैयाँ पूँजीका उद्योग दर्ता भएका थिए । चालू आर्थिक वर्षको सोही अवधिमा ३७ करोड ५९ लाख २० हजार रुपैयाँ पूँजी बराबरका उद्योग दर्ता भएका छन् ।
रोजगारीमा समेत कमी
सरकारले रोजगारीलाई विशेष प्राथमिकता दिएको बबताउँदै आएपनि चालू आर्थिक वर्षमा रोजगारी पाउनेको संख्यामा कमी आएको देखिएको छ ।
चालू आर्थिक वर्षको पुस मसान्तसम्ममा दर्ता भएका उद्योगमा कुल १३ हजार ५ सय ९ जनाले रोजगारी पाएको विभागको तथ्याङ्क छ ।
गत आर्थिक वर्षको सोही अवधिमा कुल १३ हजार ८ सय ८३ जनाले रोजगारी पाएका थिए ।
उद्योगीहरू बैंकहरूले कर्जा प्रवाहमा ब्याज बढाएका कारण औद्योगिक क्षेत्रमा लगानी कम भएको बताउँछन् । बैंकहरूले कर्जामा बढाएको ब्याजका कारण लगानी गर्नमा समस्या आएको व्यवसायीहरू बताउँछन् ।
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...